വാട്സാപ്പ്, ഇന്സ്റ്റഗ്രാം എന്നിവയുടെ പ്രവര്ത്തനം തടസപ്പെട്ടെന്ന പരാതിയുമായി നിരവധി ഉപയോക്താക്കള് രംഗത്ത്. ബുധനാഴ്ച രാത്രിയോടെയാണ് സംഭവം. നിരവധി പേര് ആശങ്ക ഉന്നയിച്ചതായി ഡൗൺ ട്രാക്കിംഗ് വെബ്സൈറ്റ് Downdetector.com പറയുന്നു.
ഇന്ത്യയിൽ 30,000-ലധികം ഉപയോക്താക്കളും യുണൈറ്റഡ് കിംഗ്ഡത്തിൽ 67,000-ത്തിലധികം ഉപയോക്താക്കളും ബ്രസീലിൽ 95,000 ഉപയോക്താക്കളും പ്ലാറ്റ്ഫോമിലെ പ്രശ്നങ്ങൾ റിപ്പോർട്ട് ചെയ്തു. എന്താണ് കാരണമെന്ന് വ്യക്തമല്ല.
തടസം നേരിട്ടത് മനസിലാക്കുന്നുവെന്നും, എത്രയും പെട്ടെന്ന് പ്രശ്നം പരിഹരിക്കുമെന്നും വാട്സാപ്പ് അറിയിച്ചു. എന്നാല് ചില ഉപയോക്താക്കള്ക്ക് വാട്സാപ്പ് പ്രവര്ത്തനതടസമില്ലാതെ ഉപയോഗിക്കാനുമായി.