സ്ക്കൂബ ഡൈവറിന്റെ വാത്സല്യത്തിൽ മയങ്ങി ഭീമൻ ആരൽ മത്സ്യം

കടലുകളിൽ കാണപ്പെടുന്ന പ്രത്യേകതരം മത്സ്യമാണ് ഈലുകൾ. ആരൽ എന്നും ഇവ അറിയപ്പെടാറുണ്ട്. പൊതുവെ മനുഷ്യനുമായി ഒട്ടും ഇണക്കമില്ലാത്തവയാണ് ഈ മത്സ്യവിഭാഗം. ജലാശയങ്ങളിൽ പലതരം ഈലുകൾ ഉണ്ടെങ്കിലും ഏറ്റവും കൂടുതൽ ശ്രദ്ധ നേടുന്നത് വൈദ്യുതി ഉൽപാദിപ്പിക്കാൻ കഴിയുന്നവയാണ്. ഇവ വലുപ്പത്തിലും മുൻപന്തിയിലാണ്.

ഭീമാകാരമായ താടിയെല്ലും മൂർച്ചയുള്ള പല്ലുകളുമുള്ള ആരൽ എല്ലാവർക്കും പേടിസ്വപ്നവുമാണ്. പൊതുവെ ആരലുകൾ കടൽജീവികളായതുകൊണ്ടുതന്നെ അവ ആകർഷിക്കപ്പെടാറില്ല. ഇപ്പോഴിതാ, ഈ ധാരണകളെയെല്ലാം മാറ്റിമറിച്ചുകൊണ്ട് എത്തിയിരിക്കുകയാണ് ഒരു സ്ക്കൂബ ഡൈവറും, ആരൽ മത്സ്യവും.

ഡൈവറുടെ വാത്സല്യത്തിൽ മയങ്ങുന്ന ആരൽ മത്സ്യത്തിന്റെ വിഡിയോയാണ് സമൂഹ മാധ്യമങ്ങളിൽ ഇപ്പോൾ വൈറലാവുന്നത്.

അക്വേറിയം ക്ലീനറായ ഡൈവർ അനായാസമായാണ് ആരലിനെ കൈകാര്യം ചെയ്യുന്നത്. കാലങ്ങളായുള്ള അടുപ്പംപോലെയാണ് ഡൈവറും മത്സ്യവും പെരുമാറുന്നത്.