ദുബായ്: എം ടി വാസുദേവന് നായരുടെ രണ്ടാമൂഴം നോവല് സിനിമയാക്കുന്നത് അടഞ്ഞ അധ്യായമാണെന്ന് നിര്മാതാവാകുമെന്ന് പ്രഖ്യാപിക്കപ്പെട്ടിരുന്ന ഡോ ബി ആര് ഷെട്ടി.
എം ടിയും ശ്രീകുമാറും തമ്മില് അഭിപ്രായ വ്യത്യാസം ഉണ്ടായതിനെ തുടര്ന്നാണ് ഇരുവര്ക്കുമൊപ്പം ചേര്ന്നുള്ള സിനിമ ഉപേക്ഷിക്കാന് തീരുമാനിച്ചത്.
എന്നാല് മഹാഭാരതം താന് സിനിമയാക്കുമെന്നും അദ്ദേഹം ദുബായില് പറഞ്ഞു. രണ്ടാമൂഴം തിരക്കഥ സംബന്ധിച്ച കേസില് ശ്രീകുമാര് മേനോന് കോടതിയില് തിരിച്ചടി നേരിട്ടിരുന്നു.
കേസില് മധ്യസ്ഥനെ നിയമിക്കണമെന്ന സംവിധായകന്റെ അപ്പീല് ഫാസ്ട്രാക്ക് കോടതിയും തള്ളി. കേസ് തീരും വരെ തിരക്കഥ ഉപയോഗിക്കുന്നത് വിലക്കിയുള്ള കോടതി ഉത്തരവ് ഇപ്പോള് നിലനില്ക്കുകയാണ്.
കരാര് കാലാവധി കഴിഞ്ഞ് ഒരു വര്ഷം പിന്നിട്ടിട്ടും രണ്ടാമൂഴം സിനിമയുടെ ചിത്രീകരണം തുടങ്ങാത്തതിനാല് തിരക്കഥ തിരിച്ചുതരണമെന്ന് ആവശ്യപ്പെട്ടായിരുന്നു എം ടി കോടതിയെ സമീപിച്ചത്.
മധ്യസ്ഥനിലൂടെ കോടതിക്ക് പുറത്ത് പ്രശ്നത്തിന് പരിഹാരം ഉണ്ടാക്കണം എന്നാണ് സംവിധായകന് ശ്രീകുമാര് മേനോന് കോടതിയില് ആവശ്യപ്പെട്ടത്.