‘ചുരുക്കം ചില സിനിമകളില്‍ മാത്രമാണ് പൃഥ്വിരാജ് എന്ന അഭിനേതാവിനെ കാണാന്‍ ക‍ഴിഞ്ഞത്, ആ ചിത്രങ്ങള്‍ ഇവയാണ്’- അമല പോള്‍

ബ്ലെസിയുടെ സംവിധാനത്തില്‍ പൃഥ്വിരാജ് നായകനായി എത്തുന്ന ചിത്രം ആടുജീവിത്തിനു വേണ്ടിയുള്ള കാത്തിരിപ്പിലാണ് സിനിമാ പ്രേമികള്‍. മാര്‍ച്ച് 28ന് ചിത്രം പ്രേക്ഷകരിലേക്കെത്തുകയാണ്. ബെന്യാമിന്റെ ആടുജീവിതം എന്ന നോവലിനെ ആസ്പദമാക്കി ഒരുക്കുന്ന ചിത്രത്തില്‍ നജീബായി എത്തുന്നത് പൃഥ്വിരാജാണ്. നജീബിന്റെ സൈനുവായി അഭിനയിക്കുന്നത് അമല പോളാണ്.

സിനിമയുമായി ബന്ധപ്പെട്ട ഒരു അഭിമുഖത്തില്‍ പൃഥ്വിരാജിനെ കുറിച്ച് സംസാരിക്കുകയാണ് അമല പോള്‍. പൃഥ്വിരാജിന്റെ മിക്ക സിനിമകളിലും നാം പൃഥ്വിയെ തന്നെയാണ് കാണുന്നതെന്നും കുറച്ച് സിനിമകള്‍ മാത്രമേ അദ്ദേഹത്തിലെ അഭിനേതാവിനെ ഉപയോഗിച്ചിട്ടുള്ളുവെന്നും അങ്ങനൊരു സിനിമയാണ് ആടുജീവിതമെന്നും അമല പറഞ്ഞു.