സാനിയയുടെ മുഖത്ത് വിഷാദം, താരത്തിന് എന്തുപറ്റിയെന്ന് ആരാധകർ

മലയാള യുവ താരങ്ങളിൽ ശ്രദ്ധേയയാണ് സാനിയ ഇയ്യപ്പൻ. അഭിനേത്രിയായും നർത്തകിയായും സംരംഭകയായുമെല്ലാം സാനിയ മലയാളികൾക്ക് സുപരിചിതയാണ്. തന്റെ ഗ്ലാമറസ് ഫോട്ടോഷൂട്ട് ചിത്രങ്ങളൊക്കെ സോഷ്യൽ മീഡിയയിൽ ആരാധകർക്കായി സാനിയ പങ്കുവയ്ക്കാറുണ്ട്. വസ്ത്രധാരണത്തിന്റെ പേരിൽ സാനിയ പലപ്പോഴും സൈബർ ആക്രമണങ്ങൾക്ക് ഇരയാവാറുണ്ട്. സാനിയയുടെ പുതിയൊരു വീഡിയോയാണ് ഇപ്പോള്‍ ശ്രദ്ധ നേടുന്നത്.

വിഷാദ മുഖത്തോടെ പൊതുവേദിയില്‍ ഇരിക്കുന്ന സാനിയയുടെ വീഡിയോ വൈറലാവുകയാണ്. സ്വന്തം നാട്ടില്‍ ചതയ ദിനാഘോഷത്തിന്റെ ഉദ്ഘാടനം നിര്‍വഹിക്കാനാണ് സാനിയ എത്തിയത്. എപ്പോഴും പ്രസരിപ്പോടെയുള്ള ഫോട്ടോഷൂട്ടുകളുമായി എത്തുന്ന നടിയുടെ പുതിയ മുഖം കണ്ട് ആശങ്കയില്‍ ആയിരിക്കുകയാണ് ആരാധകര്‍. ഇത്രയും വിഷാദ ഭാവത്തോടെ ഇരിക്കുന്ന സാനിയയ്ക്ക് എന്തുപറ്റിയെന്നാണ് ആരാധകര്‍ ചോദിക്കുന്നത്. ഇങ്ങനെയുള്ള വേദികളില്‍ സംസാരിച്ച് അധികം ശീലം ഒന്നുമില്ല അതുകൊണ്ട് എന്താണ് പറയേണ്ടത് എന്ന് അറിയില്ല എന്നാണ് സാനിയ ഉദ്ഘാടന പ്രസംഗത്തിനിടെ പറഞ്ഞത്.

”ഈ അമ്പലത്തിന്റെ വേദിയില്‍ നൃത്തം ചെയ്യാനും ഇവിടുത്തെ ആഘോഷങ്ങളില്‍ പങ്കുചേരാനും എപ്പോഴും ഇവിടെ വന്നുകൊണ്ടിരുന്ന ആളാണ് ഞാന്‍. സദസ്സിലിരിക്കുന്ന പലരെയും കണ്ടു പരിചയമുണ്ട് അതുകൊണ്ട് ഇത്തരമൊരു വേദിയില്‍ നിങ്ങളോടൊപ്പം ചെലവഴിക്കാന്‍ കഴിഞ്ഞതില്‍ വലിയ സന്തോഷമുണ്ട്. എല്ലാവര്‍ക്കും നന്ദി” എന്നാണ് ഉദ്ഘാടന പ്രസംഗത്തില്‍ സാനിയ പറഞ്ഞത്.

2018-ൽ പുറത്തിറങ്ങിയ ക്വീൻ എന്ന മലയാളചലച്ചിത്രത്തിലെ നായികാവേഷം ഏറെ ശ്രദ്ധിക്കപ്പെട്ടിരുന്നു. ഇതോടെ സാനിയയെ മലയാളി പ്രേക്ഷകര്‍ ഏറ്റെടുത്തു. ഡാന്‍സ് റിയാലിറ്റി ഷോകളിലൂടെ സാനിയ പ്രശസ്തി നേടിയിരുന്നു. ബാല്യകാലസഖി എന്ന ചിത്രത്തിൽ ഇഷാ തൽവാറിന്റെ കുട്ടിക്കാലം അവതരിപ്പിച്ചത് സാനിയയായിരുന്നു.