ജിദ്ദ: മൂന്ന് ദിവസങ്ങളായി ആശുപത്രിയിൽ ചികിത്സയിലായിരുന്ന മലയാളി ഹൃദയാഘാതം മൂലം ഞായറാഴ്ച മരണപ്പെട്ടു. ജിദ്ദയിലെ ഇൻഫോ ഗ്രാഫിക്സ് ജീവനക്കാരനും എറണാകുളം കളമശ്ശേരി ശാന്തി നഗർ സ്വദേശിയുമായ നിസാര് (49) ആണ് മരിച്ചത്. 25 വര്ഷമായി സൗദിയിൽ ജോലി ചെയ്യുകയായിരുന്നു.
അന്തലൂസിയ ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നിയമ നടപടികൾക്ക് ശേഷം മക്കയിൽ ഖബറടക്കാനാണ് ഉദ്യേശിക്കുന്നതെന്ന് ബന്ധപ്പെട്ടവർ അറിയിച്ചു, ഖബറടക്കത്തിന് നാട്ടിലുള്ള കുടുംബം ജിദ്ദയിൽ എത്തും.
പിതാവ്: വയറാമിത്തല് ഹമീദ്, മാതാവ്: റുഖിയ, ഭാര്യ: പര്വീണ്, മക്കള്: നാദിയ, ആദില്, സഹോദരങ്ങൾ: ഹാരിസ്, ഫൗസിയ.