തോട്ടുമുക്കം: ഉരുള്പൊട്ടലിനെതുടര്ന്ന് തോട്ടുമുക്കം, പള്ളിത്താഴം, ശാന്തിനഗര് പ്രദേശത്തുണ്ടായ ശക്തമായ മലവെള്ളപ്പാച്ചിലില് സകലതും നഷ്ടപ്പെട്ട കുടുംബങ്ങള്ക്ക് ആശ്വാസവുമായി വെല്ഫെയര് പാര്ട്ടി കോഴിക്കോട് ജില്ലാ പ്രസിഡന്റ് അസ്ലം ചെറുവാടിയും സംഘവും ദുരിത ബാധിത വീടുകളിൽ സന്ദര്ശനം നടത്തി.
വീടുകളിലേക്കാവശ്യമായ അവശ്യസാധനങ്ങള് വിതരണം ചെയ്തു. ഊര്ങ്ങാട്ടിരി പഞ്ചായത്തിലെ ദുരിതമേഖലയിലും സന്ദര്ശനം നടത്തി. പാര്ട്ടി കൊടിയത്തൂര് പഞ്ചായത്ത് പ്രസിഡന്റ് അബ്ദുമാസ്റ്റര് ചാലില്, സാലിം ജീറോഡ്, ബാവ പവര്വേള്ഡ്, ബിയ്യക്കുട്ടി തോട്ടുമുക്കം, ഷാനവാസ് കല്ലായി, ജലീല് സി.പി എന്നിവരും സംഘത്തിലുണ്ടായിരുന്നു.