കൊവിഡ് വ്യാപനം മൂലം ഏര്പ്പെടുത്തിയ വിസ, യാത്രാ നിയന്ത്രണങ്ങളടെ പശ്ചാത്തലത്തില് താഴെ പറയുന്ന വിദേശ പൗരന്മാര്ക്ക് ഇന്ത്യ സന്ദര്ശിക്കാന് കേന്ദ്രസര്ക്കാര് അനുമതി നല്കി. വന്ദേ ഭാരത് മിഷന്, 'എയര് ബബിള്' സംവിധാനം, ജലപാത തുടങ്ങിയ മാര്ഗങ്ങിലൂടെ ഇന്ത്യയിലെത്താം.
ഇന്ത്യയിലെത്താന് അനുമതിയുള്ളവര്
- ഓവര്സീസ് സിറ്റിസണ് ഓഫ് ഇന്ത്യ (ഒസിഐ) കാര്ഡ് ഉടമകളും, ഏതെങ്കിലും രാജ്യത്തിന്റെ പാസ്പോര്ട്ട് കൈവശമുള്ള പിഐഒ കാര്ഡ് ഉടമകളും
- ടൂറിസ്റ്റ് വിസയിലുള്ളവര് ഒഴികെ ഏത് ആവശ്യത്തിനും (ആശ്രിത വിസ ഉള്പ്പെടെ) ഇന്ത്യ സന്ദര്ശിക്കാന് ആഗ്രഹിക്കുന്ന എല്ലാ വിദേശ പൗരന്മാരും
- ഇലക്ട്രോണിക് വിസ (ഇ-വിസ), ടൂറിസ്റ്റ് വിസ, മെഡിക്കല് വിസ എന്നിവ ഒഴികെ നിര്ത്തിവച്ച എല്ലാ വിസകളും പുനസ്ഥാപിക്കും
- നേപ്പാള്, ഭൂട്ടാന് എന്നീ രാജ്യങ്ങളിലെ പൗരന്മാര്ക്ക് ഏത് രാജ്യത്ത് നിന്നും ഇന്ത്യയിലേക്ക് വരാം
കേന്ദ്ര ആരോഗ്യമന്ത്രാലയം നിര്ദ്ദേശിച്ചിട്ടുള്ള കൊവിഡ് പ്രോട്ടോക്കോളും ക്വാറന്റൈന് ചട്ടങ്ങളും നിര്ബന്ധമായി പാലിച്ചിരിക്കണം. വിസയ്ക്കായി www.indianvisaonline.gov.in. എന്ന വെബ്സൈറ്റ് സന്ദര്ശിക്കാം.