ജീവിതത്തില് നിരവധി പ്രണയങ്ങള് ഉണ്ടായിരുന്നുവെങ്കിലും 53 -)൦ വയസിലും വിവാഹിതനാകാതെ നില്ക്കുകയാണ് ബോളിവുഡ് താരം സല്മാന് ഖാന്. പുതിയ ചിത്രമായ ഭാരത് എന്ന സിനിമയുടെ പ്രചരണ പരിപാടിയില് സല്മാനോട് വിവാഹത്തെക്കുറിച്ച് ചോദ്യമുണ്ടായി.
ബോളിവുഡിലെ യുവതാരങ്ങള് സിനിമാ തിരക്കുകള്ക്കിടയിലും കുടുംബ ജീവിതത്തിലേക്ക് പ്രവേശിക്കുമ്പോള് സല്മാന് എന്തുകൊണ്ട് വിവാഹം കഴിക്കുന്നില്ല എന്നതായിരുന്നു ചോദ്യം.
ഇതെക്കുറിച്ച് സല്മാന് പറഞ്ഞതിങ്ങനെ...
'ഞാന് വിവാഹത്തില് വിശ്വസിക്കുന്നില്ല. നശിച്ചുകൊണ്ടിരിക്കുന്ന സമ്പ്രദായമാണത്. എന്നാല് ജീവിതത്തില് ഒരു കൂട്ടുവേണം. അത്രമാത്രം'- സല്മാന് പറഞ്ഞു.
അബ്ബാസ് സഫര് അലി സംവിധാനം ചെയ്യുന്ന ഭാരത് ഈദിനാണ് പുറത്തിറങ്ങുക. കത്രീന കൈഫാണ് നായിക. ദിഷ പട്ടാണി, ജാക്കി ഷ്റോഫ്, തബു, സുനില് ഗ്രോവര് എന്നിവരും അഭിനയിക്കുന്നുണ്ട്.