തെന്നിന്ത്യൻ താരസുന്ദരി ജ്യോതിക വിവാഹശേഷം സിനിമാലോകത്തിൽ നിന്നു മാറി നിന്നതിന് ശേഷം ഏതാനും നാളുകൾക്ക് മുൻപാണ് വീണ്ടും സിനിമാലോകത്തിലേക്കെത്തിയത്. നടനും ഭർത്താവുമായ സൂര്യയുടെ അനുജൻ കാർത്തിയുടെ കൂടെ അഭിനയിക്കാനൊരുങ്ങുകയാണ് ജ്യോതിക. സംവിധായകൻ ജീത്തു ജോസഫ് സംവിധാനം ചെയ്യുന്ന ചിത്രത്തിലൂടെയാണ് ജോയും കാർത്തിയും ആദ്യമായി ഒന്നിക്കുന്നത്.
ദൃശ്യത്തിന്റെ തമിഴ് റീമേക്കായ പാപനാശനം എന്ന ചിത്രത്തിനു ശേഷം ജീത്തു ജോസഫ് സംവിധാനം ചെയ്യുന്ന ചിത്രമാണിത്. സംവിധായകനായ ജീത്തു ജോസഫിനൊപ്പം റെനില് ഡിസില്വ, മണികണ്ഠന് എന്നിവര് ചേര്ന്നാണ് ചിത്രത്തിന്റെ തിരക്കഥ ഒരുക്കുന്നത്. നായികയായല്ല കഥയിൽ ഏറെ പ്രാധാന്യമുള്ളൊരു കഥാപാത്രമായാണ് ജ്യോതിക എത്തുന്നത് എന്നാണ് റിപ്പോർട്ടുകൾ.