പാലക്കാട്: റെയിൽവേ സ്റ്റേഷനിൽ നടത്തിയ പരിശോധനയിൽ ഉപേക്ഷിച്ച നിലയിൽ രണ്ടു ബാഗുകളിലായി 14 കിലോ കഞ്ചാവ് കണ്ടെത്തി. ഉച്ചക്ക് ഒന്നരയോടെയാണ് ഏഴ് ലക്ഷം രൂപയോളം വിലവരുന്ന കഞ്ചാവ് പ്ലാറ്റ്ഫോം നമ്പർ മൂന്നിൽ നിന്നും കണ്ടെടുത്തത്.
പരിശോധനകളിൽനിന്ന് രക്ഷപ്പെടാൻ യാത്രക്കാരുടെ ഇരിപ്പിടത്തിനടിയിൽ ഉപേക്ഷിച്ച് കടന്നതാണെന്ന് സംശയിക്കുന്നു. കഞ്ചാവ് എത്തിച്ചവരെ കണ്ടെത്താൻ അന്വേഷണം ഊർജിതമാക്കിയതായി എക്സൈസ് ആർ.പി.എഫ് വൃത്തങ്ങൾ അറിയിച്ചു.