ദുല്‍ഖര്‍ നിര്‍മ്മിക്കുന്ന ചിത്രത്തില്‍ സഹസംവിധായികയായി അനുപമ. ലൊക്കേഷന്‍ ചിത്രങ്ങള്‍ പങ്കുവച്ച് താരം

നടി അനുപമ പരമേശ്വരന്‍ സഹസംവിധായകയായെത്തുന്നു. ദുല്‍ഖര്‍ സല്‍മാന്‍ നിര്‍മിക്കുന്ന ആദ്യ ചിത്രത്തിലാണ് സഹസംവിധായികയായി അനുപമ പ്രവര്‍ത്തിക്കുന്നത്. പുതിയ തുടക്കമെന്ന് കുറിച്ച് ലൊക്കേഷനില്‍ നിന്നുള്ള ചിത്രങ്ങള്‍ അനുപമ ഇന്‍സ്റ്റഗ്രാമിൽ പങ്കുവച്ചിട്ടുണ്ട്.

ജേക്കബ് ഗ്രിഗറി ആദ്യമായി നായക കഥാപാത്രത്തെ അവതരിപ്പിക്കുന്ന ചിത്രമാണിത്. നവാഗതനായ ഷംസു സൈബയാണ് ചിത്രം സംവിധാനം ചെയ്യുന്നത്. നിഖില വിമല്‍, അനു സിതാര എന്നിവര്‍ക്കൊപ്പം അനുപമയും വേഷമിടുന്നു. വിജയ രാഘവന്‍, സുധീഷ്, ശ്രീലക്ഷ്മി തുടങ്ങിയവരും ചിത്രത്തില്‍ വേഷമിടുന്നു.

അല്‍ഫോണ്‍സ് പുത്രന്‍ സംവിധാനം ചെയ്ത പ്രേമം എന്ന സിനിമയിലൂടെയാണ് അനുപമ സിനിമാലോകത്തേക്ക് എത്തുന്നത്. പിന്നീട് താരം തെലുങ്കിലേക്ക് പോയ താരം അവിടെ തിരക്കുള്ള നായികയായി മാറി. ജോമോന്റെ സുവിശേഷങ്ങള്‍ ആണ് പിന്നീട് അഭിനയിച്ച മലയാള ചിത്രം.