സമീപകാല ചിത്രങ്ങളെല്ലാം നിരാശപ്പെടുത്തിയതിന് പിന്നാലെ ചുവട് മാറ്റി മോഹന്ലാല്. ലിജോ ജോസ് പെല്ലിശ്ശേരി സംവിധാനം ചെയ്യുന്ന 'മലൈക്കോട്ടൈ വാലിബന്' എന്ന ചിത്രത്തിലാണ് മോഹൻലാൽ ഇപ്പോള് അഭിനയിച്ച് കൊണ്ടിരിക്കുന്നത്. രാജസ്ഥാനില് സിനിമയുടെ ചിത്രീകരണം പുരോഗമിക്കുകയാണ്.
പുതിയ സംവിധായകര്ക്കൊപ്പം പ്രവര്ത്തിക്കാന് മോഹന്ലാല് തയ്യാറാകണമെന്ന ആവശ്യം ആരാധകര് ഉള്പ്പെടെ മുന്നോട്ട് വെച്ചിരുന്നു. ഇതിന് പിന്നാലെയാണ് മോഹന്ലാല്-എല്ജെപി ചിത്രം പ്രഖ്യാപിച്ചത്. ഈ പ്രഖ്യാപനം വലിയ ആവേശത്തോടെയാണ് ആരാധകര് ഏറ്റെടുത്തത്. ഇപ്പോള് ഇതാ മോഹന്ലാല് ആരാധകരുടെ ആവേശം ഇരട്ടിപ്പിക്കുന്ന റിപ്പോര്ട്ടാണ് പുറത്തുവരുന്നത്.
യുവസംവിധായകരില് ശ്രദ്ധേയനായ ടിനു പാപ്പച്ചനുമായി പുതിയ പ്രോജക്ടിന് മോഹന്ലാല് കൈ കൊടുത്തെന്നാണ് റിപ്പോര്ട്ട്. അല്ലു അര്ജുനും ഫഹദ് ഫാസിലും ഒന്നിച്ച പുഷ്പ എന്ന സൂപ്പര് ഹിറ്റ് ചിത്രം നിര്മ്മിച്ച മൈത്രി മൂവി മേക്കേഴ്സാണ് ടിനു പാപ്പച്ചന്-മോഹന്ലാല് ചിത്രം നിര്മ്മിക്കുകയെന്നാണ് വിവരം. ഒരു ബിഗ് ബജറ്റ് ആക്ഷന് ത്രില്ലര് ചിത്രമായിരിക്കും ഇതെന്നാണ് സൂചന. ഈ വര്ഷം അവസാനത്തോടെ ചിത്രീകരണം ആരംഭിക്കുമെന്ന വിവരവും പുറത്തുവരുന്നുണ്ട്.