മൂത്തോന്‍റെ ട്രെയ്ലര്‍ റിലീസ് ചെയ്തു

വ്യത്യസ്ത ഭാവത്തിലും വ്യത്യസ്ത രൂപത്തിലുമായി നിവിന്‍ പോളി നായകവേഷത്തില്‍ എത്തുന്ന ഗീതു മോഹന്‍ദാസ് ചിത്രം മൂത്തോന്‍റെ ട്രെയ്ലര്‍ പുറത്തിറങ്ങി.

ചിത്രം ടൊറന്‍റോ അന്താരാഷ്ട്ര ചലച്ചിത്ര മേളയില്‍ ആദ്യ പ്രദര്‍ശനം നടത്തിയിരുന്നു. ധനുഷ്, വിക്കി കൗശല്‍, നിവിന്‍ പോളി തുടങ്ങിയവരുടെ ഫേസ്ബുക് പേജ് വഴിയാണ് ട്രെയ്ലര്‍ റിലീസ് ചെയ്തത്.

നിവിന്‍റെ പിറന്നാള്‍ ദിനമായ ഇന്ന് ട്രെയിലര്‍ റിലീസ് ചെയുമെന്ന് നേരത്തെ അണിയറപ്രവര്‍ത്തകര്‍ അറിയിച്ചിരുന്നു. നിവിന്‍ പോളിക്കൊപ്പം റോഷന്‍ മാത്യു, ഷഷാങ്ക് അറോറ, ശോഭിത ധുലി പാല, ദിലീഷ് പോത്തന്‍ എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങള്‍.