നീണ്ട നാലു വർഷത്തെ കാത്തിരിപ്പുകൾക്കൊടുവിൽ നയൻതാരയും വിഗ്നേഷ് ശിവനും വിവാഹിതരാകുന്നു

തെന്നിന്ത്യയിൽ പ്രണയ ജോഡികൾ നയൻതാരയും സംവിധായകൻ വിഗ്നേഷ് ശിവനും വിവാഹിതരാകുന്നു എന്ന് റിപ്പോർട്ട്. നീണ്ട നാലു വർഷത്തെ കാത്തിരിപ്പുകൾക്കാണ് ഇതോടെ വിരാമമാകുന്നത്. അടുത്തവർഷം ആദ്യം തന്നെ ഇരുവരുടേയും വിവാഹം ഉണ്ടായിരിക്കുമെന്നാണ് റിപ്പോർട്ട്.

2018 ൽ നടന്ന ഒരു അവാർഡ് നിശയിൽ വിഗ്‌നേഷിനെ നയൻതാര ഭാവി വരൻ എന്ന് വിശേഷിപ്പിച്ചിരുന്നു. അതോടെയാണ് ഇരുവരും പ്രണയത്തിലാണെന്നും വിവാഹിതരാകാൻ പോകുകയാണെന്നുമുള്ള വാർത്തകൾ കൂടുതൽ ശക്തമായത്. തമിഴ് ആചാരപ്രകാരവും ക്രിസ്ത്യൻ രീതിയിലും വിവാഹം നടത്താൻ ബന്ധുക്കൾ ഒരുങ്ങുന്നുവെന്നാണ് റിപ്പോർട്ടുകൾ.

2015 ൽ പുറത്തിറങ്ങിയ നയൻതാര ചിത്രം നാനും റൗഡി താനിന്റെ സംവിധായകനാണ് വിഗ്‌നേഷ്. ഇവിടെ വെച്ചാണ് ഇരുവരും പ്രണയത്തിലാകുന്നത്. ഇരുവരും ഒരുമിച്ച് പിറന്നാൾ ആഘോഷിക്കുന്നതിന്റെയും പുതുവർഷം ആഘോഷിക്കുന്നതിന്റെയുമൊക്കെ ചിത്രങ്ങൾ വൈറലായിരുന്നു.