2022 ജൂലൈ മാസത്തെ വിൽപ്പന കണക്കുകൾ ഇന്ത്യയിലെ വിവിധ കാർ നിർമ്മാതാക്കൾ പുറത്തുവിട്ടു; മിക്ക കമ്പനികളും കഴിഞ്ഞ മാസം മികച്ച വിൽപ്പന വളർച്ച രേഖപ്പെടുത്തി

2022 ജൂലൈ മാസത്തെ വിൽപ്പന കണക്കുകൾ ഇന്ത്യയിലെ വിവിധ കാർ നിർമ്മാതാക്കൾ പുറത്തുവിട്ടു. മിക്ക കമ്പനികളും കഴിഞ്ഞ മാസം മികച്ച വിൽപ്പന വളർച്ച രേഖപ്പെടുത്തി. മാരുതി സുസുക്കി, ഹ്യുണ്ടായ്, ടാറ്റ മോട്ടോഴ്‌സ്, മഹീന്ദ്ര എന്നിവയുടെ വിൽപ്പന കണക്കുകളെക്കുറിച്ച് അറിയാം..

മാരുതി സുസുക്കി ജൂലൈ 2022 വിൽപ്പന

2022 ജൂലൈ മാസത്തിൽ മാരുതി സുസുക്കിയുടെ മൊത്തം വിൽപ്പന 1,75,916 യൂണിറ്റുകളാണ് എന്നാണഅ കണക്കുകള്‍. ആഭ്യന്തര വിൽപ്പന, ഒഇഎം, കയറ്റുമതി എന്നിവ യഥാക്രമം 1,45,666 യൂണിറ്റുകളും 9,939 യൂണിറ്റുകളും 20,311 യൂണിറ്റുകളുമാണ്. അള്‍ട്ടോയും എസ് പ്രെസോയും ഉള്‍പ്പെടുന്ന എൻട്രി ലെവൽ മിനി സെഗ്‌മെന്റ് 2021 ജൂലൈയിലെ 19,685 യൂണിറ്റുകളിൽ നിന്ന് മൊത്തം 20,333 യൂണിറ്റ് വിൽപ്പന രേഖപ്പെടുത്തി. കോംപാക്റ്റ് സെഗ്‌മെന്‍റ് (ബലെനോ, ഡിസയർ, ഇഗ്‌നിസ്, സെലേറിയോ, സ്വിഫ്റ്റ്, ടൂർ എസ്, വാഗൺആർ) അക്കൗണ്ട് 84,818 യൂണിറ്റുകൾ, യുവി ശ്രേണി (ബ്രെസ, എർട്ടിഗ, എസ്-ക്രോസ്, XL6) 2022 ജൂലൈയിൽ മൊത്തം 23,272 യൂണിറ്റുകൾ വിറ്റഴിച്ചു.

മാരുതി സുസുക്കി ഇക്കോ വാൻ 2022 ജൂലൈയിൽ 13,048 യൂണിറ്റ് വിൽപ്പന രേഖപ്പെടുത്തി. കഴിഞ്ഞ വർഷം ഇതേ മാസത്തെ 10,057 യൂണിറ്റുകളിൽ നിന്നാണ് ഇക്കോയുടെ ഈ വളര്‍ച്ച. ആഭ്യന്തര യാത്രാ വാഹന വിഭാഗത്തിൽ 6.8 ശതമാനം വിൽപന വളർച്ചയാണ് കമ്പനി രേഖപ്പെടുത്തിയിരിക്കുന്നത്. കമ്പനി 2022 ജൂലൈയിൽ സൂപ്പർ കാരി എൽസിവിയുടെ 2,816 യൂണിറ്റുകൾ വിറ്റഴിച്ചു. കഴിഞ്ഞ വർഷം ഇതേ മാസത്തിൽ ഇത് 2,768 യൂണിറ്റുകള്‍ ആയിരുന്നു.

ഹ്യുണ്ടായ് വിൽപ്പന ജൂലൈ 2022

2022 ജൂലൈയിൽ ഹ്യൂണ്ടായ് മൊത്തം വിൽപ്പനയിൽ 6 ശതമാനം വർധന രേഖപ്പെടുത്തി 63,851 യൂണിറ്റിലെത്തി. കഴിഞ്ഞ വർഷം ഇതേ മാസത്തിൽ കൊറിയൻ വാഹന നിർമാതാക്കള്‍ 60,249 യൂണിറ്റുകൾ വിറ്റഴിച്ചിരുന്നു. ആഭ്യന്തര വിപണിയിൽ, 2021 ജൂലൈയിലെ 48,042 യൂണിറ്റുകളിൽ നിന്ന് 2022 ജൂലൈയിൽ ഹ്യുണ്ടായ് 50,500 യൂണിറ്റുകൾ വിറ്റഴിച്ചു. കമ്പനിയുടെ വാർഷിക വിൽപ്പന വളർച്ച 5.1 ശതമാനം രേഖപ്പെടുത്തി. കഴിഞ്ഞ വർഷം ഇതേ മാസത്തെ 12,207 യൂണിറ്റുകളെ അപേക്ഷിച്ച് ബ്രാൻഡിന്റെ കയറ്റുമതി 9.4 ശതമാനം വർധിച്ച് 13,351 യൂണിറ്റിലെത്തി.

ടാറ്റയുടെ വിൽപ്പന ജൂലൈ 2022

ടാറ്റ മോട്ടോഴ്‌സ് 2022 ജൂലൈയിൽ 57 ശതമാനം വാർഷിക വിൽപ്പന വളർച്ച രേഖപ്പെടുത്തി. 2021 ജൂലൈയിലെ 30,185 വാഹനങ്ങളെ അപേക്ഷിച്ച് കമ്പനി കഴിഞ്ഞ മാസം 47,505 വാഹനങ്ങൾ വിറ്റു. ബ്രാൻഡിന്റെ സിഎന്‍ജി വിൽപ്പന 2022 ജൂലൈയിൽ എക്കാലത്തെയും ഉയർന്നതാണ്. കമ്പനി കഴിഞ്ഞ മാസം ടിഗോർ സിഎൻജിയും ടിയാഗോ സിഎൻജിയും ഉൾപ്പെടെ സിഎൻജിയിൽ പ്രവർത്തിക്കുന്ന കാറുകളുടെ 5,293 യൂണിറ്റുകള്‍ വിറ്റു. കൂടാതെ, ടാറ്റയുടെ മൊത്തം വിൽപ്പനയുടെ 64 ശതമാനം എസ്‌യുവി വിൽപ്പനയാണ് സംഭാവന ചെയ്യുന്നത്. ഇത് പ്രതിവർഷം 105 ശതമാനം വിൽപ്പന വളർച്ച റിപ്പോർട്ട് ചെയ്യുന്നു.