ശരത് മാണ്ഡവ തിരക്കഥ എഴുതി സംവിധാനം ചെയ്യുന്ന ചിത്രമാണ് 'രാമറാവു ഓണ് ഡ്യൂട്ടി'. 'രാമറാവു ഓണ്' ഡ്യൂട്ടിയുടെ റിലീസ് തിയ്യതി പുറത്തുവിട്ടിരിക്കുകയാണ് അണിയറപ്രവർത്തകർ. രവി തേജ നായകനാകുന്ന ഏറ്റവും പുതിയ ചിത്രം കൂടിയാണിത്. മലയാളി താരം രജിഷ വിജയൻ ചിത്രത്തില് ഒരു പ്രധാന വേഷത്തിലെത്തുന്നു.
ജൂലൈ 29ന് ആണ് ചിത്രം റിലീസ് ചെയ്യുക. സത്യൻ സൂര്യൻ ആണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. ചിത്രസംയോജനം പ്രവീണ് കെ എല് ആണ്. സുധാകര് ചെറുകുറി ആണ് ചിത്രം നിര്മിക്കുന്നത്. എസ് എല് വി സിനിമാസിന്റെ ബാനറിലാണ് നിര്മാണം. സാം സി എസ് ആണ് സംഗീത സംവിധാനം നിര്വഹിക്കുന്നത്. ദിവ്യാ ഷാ , കൗശിക്, നാസര്, ജോണ് വിജയ്, പവത്രി തുടങ്ങിയവരും ചിത്രത്തില് അഭിനയിക്കുന്നു.
'രാമറാവു ഓണ്ഡ്യൂട്ടി' ഒരു ആക്ഷൻ ത്രില്ലര് ചിത്രമാണ്. ജില്ലാ ഡെപ്യൂട്ടി കളക്ടര് 'ബി രാമറാവു'വായിട്ടാണ് ചിത്രത്തില് രവി തേജയെത്തുക. നായകൻ രവി തേജയുടെ മാസ് ആക്ഷൻ രംഗങ്ങളും പഞ്ച് ഡയലോഗുകളും സിനിമയുടെ ആകര്ഷണമാകും. രവി തേജയ്ക്ക് ഏറെ പ്രതീക്ഷയുള്ള ചിത്രമാണ് 'രാമറാവു ഓണ് ഡ്യൂട്ടി'.