കുവൈറ്റ് സിറ്റി: കുവൈറ്റിന്റെ ദേശീയ ദിനത്തോടനുബന്ധിച്ച് ഇന്ത്യൻ എംബസി, ഇന്ത്യൻ കൾച്ചറൽ നെറ്റ്വർക്കുമായി (ICN) സഹകരിച്ച് നടത്തുന്ന ആഘോഷപരിപാടിയായ 'നമസ്തേ കുവൈറ്റ്' ഇന്ത്യന് സ്ഥാനപതി സിബി ജോര്ജും, അദ്ദേഹത്തിന്റെ ഭാര്യ ജോയ്സ് സിബിയും ചേര്ന്ന് ഉദ്ഘാടനം ചെയ്തു.
ഒരാഴ്ച നീളുന്ന ആഘോഷത്തില് സംഗീതം, നൃത്തം, മറ്റ് ഇന്ത്യന് കലകള് എന്നിവ ഉള്പ്പെടുന്നു.
ഇന്ത്യ തദ്ദേശീയമായ വികസിപ്പിച്ച വാക്സിനുകള് ലോകം മുഴുവന് വിതരണം ചെയ്ത കാര്യം സ്ഥാനപതി ഉദ്ഘാടനപ്രസംഗത്തില് പരാമര്ശിച്ചു.
ഇന്ത്യയും കുവൈറ്റും തമ്മിലുള്ള സാംസ്കാരിക ബന്ധത്തെക്കുറിച്ചും അദ്ദേഹം സംസാരിച്ചു.
തുടർന്ന് നൃത്തനൃത്യങ്ങളും, ഗാനാലാപനവും നടന്നു. അറബിക്, ഹിന്ദി, മലയാളം ഭാഷകളിലുള്ള "യാ കുവൈത്തീ മർഹബ" എന്ന മനോഹരമായ ആൽബവും സ്ഥാനപതി പുറത്തിറക്കി.
‘നമസ്തേ കുവൈറ്റ്’ ഫെസ്റ്റിവലിന്റെ ആഘോഷം 2022 ഫെബ്രുവരി 28 വരെ തുടരും.
പരിപാടിക്ക് സോഷ്യൽ മീഡിയയിൽ വൻ പ്രതികരണമാണ് ലഭിച്ചത്.