കുവൈത്തില്‍ പ്രവാസി മലയാളി യുവാവ് ജോലി സ്ഥലത്ത് കുഴഞ്ഞു വീണ് മരിച്ചു

കുവൈറ്റ് സിറ്റി: കോഴിക്കോട് സ്വദേശി കുവൈറ്റിലെ ജോലി സ്ഥലത്ത് കുഴഞ്ഞു വീണ് മരിച്ചു. ഗ്രാൻഡ് ഹൈപ്പറിലെ ജീവനക്കാരനായ അബ്ദുൽ റസാഖ് (41) ആണ് മരിച്ചത്. കൊയിലാണ്ടി മാടാക്കര സ്വദേശിയാണ്. 

കുഴഞ്ഞു വീണതിനെ തുടർന്ന് ഫർവാനിയ ആശുപത്രിയിൽ പ്രവേശിപ്പിച്ചെങ്കിലും ജീവന്‍ രക്ഷിക്കാൻ കഴിഞ്ഞില്ല. 

പള്ളിപ്പറമ്പിൽ ഉമ്മു കുൽസുവാണ് ഭാര്യ. മുഹമ്മദ് റാഷിദ്, മുഹമ്മദ് റിഷാൽ എന്നിവരാണ് മക്കൾ. നടപടിക്രമങ്ങള്‍ പൂര്‍ത്തീകരിച്ച് മൃതദേഹം നാട്ടിലേക്ക് കൊണ്ടുപോകുവാനുള്ള പ്രവര്‍ത്തനങ്ങള്‍ കെ.എം.സി.സിയുടെ നേതൃത്വത്തില്‍ നടന്നുവരികയാണ്.