റോം: ചൈനയുടെ ബെല്റ്റ് ആന്ഡ് റോഡ് പദ്ധതിയില് നിന്ന് പിന്മാറുകയാണെന്ന് ഇറ്റലി ഔദ്യോഗികമായി അറിയിച്ചു. പദ്ധതിയില് നിന്ന് ഇറ്റലി പിന്മാറുമെന്ന് മാസങ്ങളായി അഭ്യൂഹമുണ്ടായിരുന്നു.
ബെല്റ്റ് ആന്ഡ് റോഡ് പദ്ധതിയുടെ ഭാഗമാകുന്ന ആദ്യ പടിഞ്ഞാറന് രാജ്യം കൂടിയായിരുന്നു ഇറ്റലി. 2019~ലാണ് ഇറ്റലി ചൈനയുടെ ബെല്റ്റ് ആന്ഡ് റോഡ് ഇനീഷ്യേറ്റീവിന്റെ ഭാഗമാകുന്നത്. യു.എസ്. ഉന്നയിച്ച ആശങ്കകള് തള്ളിക്കൊണ്ടായിരുന്നു ഇറ്റലി പദ്ധതിക്കൊപ്പം നിന്നത്.
ചൈനയുടെ പദ്ധതിയില് നിന്ന് ഇറ്റലി പിന്മാറുമെന്ന് ഇറ്റലിയുടെ പ്രധാനമന്ത്രിയായി ചുമതലയേറ്റ ശേഷം ജോര്ജിയ മെലോണി കഴിഞ്ഞ വര്ഷം പറഞ്ഞിരുന്നു. പദ്ധതി കൊണ്ട് ഇറ്റലിക്ക് യാതൊരു ഗുണവും ഉണ്ടാകില്ല എന്നാണ് മെലോണി ഇതിന് കാരണമായി പറഞ്ഞത്.
പദ്ധതിയുമായി ബന്ധപ്പെട്ട് ചൈനയും ഇറ്റലിയും തമ്മില് 2019~ല് ഒപ്പിട്ട കരാറിന്റെ കാലാവധി 2024 മാര്ച്ചില് അവസാനിക്കുകയാണ്. കരാറില് നിന്ന് പിന്മാറുകയാണെന്ന് മൂന്ന് മാസം മുമ്പ് ഇറ്റലി രേഖാമൂലം അറിയിക്കുന്നില്ലാ എങ്കില് മാര്ച്ചിന് ശേഷവും കരാര് തുടരുമെന്നായിരുന്നു വ്യവസ്ഥ. ഇതുപ്രകാരമാണ് പദ്ധതിയില് നിന്ന് പിന്മാറുന്നതായി കാണിച്ച് ഇറ്റലി ചൈനയ്ക്ക് കത്ത് നല്കിയത്.