പാരീസ് ഒളിംപിക്സിനു സുരക്ഷാ ഭീഷണി

പാരീസ്: പാരീസ് ഒളിമ്പിക് ഗെയിംസിനുള്ള സുരക്ഷാ പദ്ധതികള്‍ മോഷണം പോയതോടെ ഗെയിംസിനു സുരക്ഷാ ഭീഷണി. പൊലീസ് സുരക്ഷാ പ്ളാനുകള്‍ അടങ്ങിയ കമ്പ്യൂട്ടറും രണ്ട് യു.എസ്.ബി മെമ്മറി സ്ററിക്കുകളും അടങ്ങിയ ബാഗാണ് മോഷണം പോയത്. ഗാരെ ഡു നോര്‍ഡ് സ്റേറഷനില്‍ വച്ചാണ് ഇതു നഷ്ടപ്പെട്ടത്.

ഈ ബാഗുമായി പോയ ഉദ്യോഗസ്ഥന്‍ ഇതു ട്രെയിന്‍ കമ്പാര്‍ട്ടുമെന്‍റില്‍ വെച്ച് പുറത്തിറങ്ങിയ സമയത്താണ് മോഷണം നടന്നതെന്നാണ് പ്രാഥമിക നിഗമനം. റീജണല്‍ ട്രാന്‍സ്പോര്‍ട്ട് പൊലീസ് സ്ഥലത്തെത്തി അന്വേഷണം ആരംഭിച്ചു. സംഭവത്തില്‍ അന്വേഷണം തുടരുകയാണെന്നും ഉടന്‍ പ്രതിയെ പിടികൂടുമെന്നും പൊലീസ് അറിയിച്ചു.