സാഹോയ്ക്ക് ശേഷം പ്രഭാസ് നായകനാകുന്ന ചിത്രത്തിന് ജാൻ എന്ന് പേരിട്ടു. തെലുങ്കിലെ പ്രശസ്ത സംവിധായകനായ രാധാ കൃഷ്ണ ഒരുക്കുന്ന ചരിത്ര പശ്ചാത്തലത്തിൽ ഒരുങ്ങുന്ന ചിത്രത്തിൽ കൈനോട്ടക്കാരന്റെ വേഷത്തിലാണ് പ്രഭാസ് എത്തുന്നത്.
ഒരു വർഷം മുൻപ് ഹൈദരാബാദിൽ നടന്ന ഒരു ചടങ്ങിൽ വച്ചാണ് ചിത്രത്തിന്റെ ആദ്യ പ്രഖ്യാപനം ഉണ്ടായത്. കഴിഞ്ഞ നവംബറിൽ തുടങ്ങാനിരുന്ന ചിത്രീകരണം സാഹോയുടെ തിരക്ക് കാരണം മാറ്റി വയ്ക്കുകയായിരുന്നു.
വലിയ ബഡ്ജറ്റിൽ ഒരുക്കുന്ന ലവ് സ്റ്റോറി ആയിരിക്കുമെന്നും ചിത്രീകരണത്തിന്റെ ഭൂരിഭാഗവും യൂറോപ്പിൽ ആയിരിക്കുമെന്നും സംവിധായകൻ രാധകൃഷ്ണ പറഞ്ഞു. പൂജ ഹെഡ്ഗേ ആയിരിക്കും പ്രഭാസിന്റെ നായിക.