ആറ് വർഷത്തെ ഇടവേളയ്ക്ക് ശേഷം ശോഭന മലയാളത്തിലേക്ക് തിരിച്ചെത്തുന്നു.... ഒപ്പം സുരേഷ് ഗോപിയും നസ്രിയയും....സംവിധാനം സത്യൻ അന്തിക്കാടിന്റെ മകൻ

സത്യൻ അന്തിക്കാടിന്റെ മകൻ അനൂപ് സത്യൻ സംവിധായകനാവുന്നു. ആറ് വർഷത്തെ ഇടവേളയ്ക്ക് ശേഷം ശോഭന മലയാളത്തിലേക്ക് തിരിച്ചെത്തുന്ന സിനിമയിൽ നസ്രിയയും സുരേഷ് ഗോപിയും രണ്ട് പ്രധാന കഥാപാത്രങ്ങളെ അവതരിപ്പിക്കും. ചിത്രത്തിന്റെ ഒഫിഷ്യൽ അനൗൺസ്മെന്റ് വൈകാതെ ഉണ്ടാവും.

ചിത്രത്തിന്റെ പേപ്പർ വർക്ക് പുരോഗമിക്കുന്നതേ ഉള്ളുവെന്നും നർമ്മത്തിന്റെ പശ്ചാത്തലത്തിൽ കഥ പറയുന്ന ഒരു ഫാമിലി ഡ്രാമയാവും ചിത്രമെന്നും അനൂപ് സത്യൻ ആദ്യ സംവിധാന സംരംഭത്തെക്കുറിച്ച് പറഞ്ഞു. 'മൂന്ന് പേർക്കും ചിത്രത്തിന്റെ കഥ ഇഷ്ടപ്പെട്ടു. ആവേശത്തോടെയായിരുന്നു പ്രതികരണങ്ങളെല്ലാം. ചെന്നൈ ആണ് കഥാപശ്ചാത്തലം', അനൂപ് പറയുന്നു.

സുരേഷ് ഗോപിയുടെ മാസ് കഥാപാത്രങ്ങളുടെ മാതൃകയിലുള്ളതാവില്ല ഇതിലെ കഥാപാത്രമെന്നും അനൂപ് പറയുന്നു. 'സുരേഷ് ഗോപിയുടെ സാധാരണ ഹീറോ വേഷമല്ല ചിത്രത്തിലേത്, ഒരു പ്രത്യേക വേഷമാണ് അദ്ദേഹം ചെയ്യുന്നത്. ആ സ്ഥാനത്തേക്ക് മറ്റൊരാളെ തനിക്ക് ചിന്തിക്കേണ്ടി വന്നിട്ടില്ല'. അനൂപ് സത്യൻ പറയുന്നു.