ക്രാസ്നോദർ: ലോകകപ്പ് ഫുട്ബോളിന് മുമ്പുള്ള അവസാന സന്നാഹ മത്സരത്തിൽ സ്പെയിനിന് ജയം. അതേസമയം, ഫ്രാൻസിനെ യുഎസ് സമനിലയിൽ തളച്ചു.
സ്പെയിൻ എതിരില്ലാത്ത ഒരു ഗോളിന് ടുണീഷ്യയെ തോൽപ്പിച്ചു. 84-ാം മിനിറ്റിൽ ഇയാഗോ അസ്പാസ് നേടിയ ഗോളാണ് സ്പെയിനിന്റെ ജയം ഒരുക്കിയത്. അതേസമയം, ഒരോ ഗോൾ വീതം നേടിയാണ് ഫ്രാൻസും യുഎസും സമനില പാലിച്ചത്. യുഎസിന് വേണ്ടി ഗ്രീനും(44) ഫ്രാൻസിന് വേണ്ടി എംബാപെയും(78) ഗോൾ നേടി.
ജൂണ് 15നാണ് ആദ്യ മത്സരത്തിൽ സ്പെയിൻ പോർച്ചുഗലിനെ നേരിടും. ജൂൺ 16ന് ഫ്രാൻസിന്റെ ആദ്യ മത്സരത്തിൽ ഓസ്ട്രേലിയയാണ് എതിരാളി.