48 മെഗാപിക്‌സല്‍ പിന്‍ക്യാമറയുമായ് ഷവോമി വിപണിയില്‍; വില 10000 രൂപ

ടെക് ഡസ്ക്
Thursday, January 10, 2019

ഇന്ത്യന്‍ വിപണിയില്‍ 48 മെഗാപിക്‌സല്‍ പിന്‍ക്യാമറയുമായ് ഷവോമി. നോട്ട് 6ന്റെ പിന്‍ഗാമിയായെത്തിയ നോട്ട് 7നാണ് പുതിയ ക്യാമറയുമായ് എത്തി സ്മാര്‍ട്ട് ഫോണ്‍ പ്രേമികളുടെ മനം കവര്‍ന്നിരിക്കുന്നത്.

ഡ്യൂഡ്രോപ് നോച്ചുമായെത്തുന്ന ഷവോമിയുടെ ആദ്യഫോണാണ് നോട്ട് 7. 2340×1080 പിക്‌സല്‍ റെസലുഷനിലുള്ള 6.3 ഇഞ്ച് എല്‍.സി.ഡി ഡിസ്‌പ്ലേയാണ് ഫോണിനുള്ളത്. 2.5 ഡി ഗ്ലാസ് പാനലുമായിട്ടാണ് നോട്ട് 7ന്റെ വരവ്. സ്‌നാപ്ഡ്രാഗണ്‍ 660 പ്രൊസസര്‍, 6 ജി.ബി റാം 64 ജി.ബി സ്‌റ്റോറേജ്,4000 എം.എ.എച്ച് ബാറ്റി, ക്വുക്ക് ചാര്‍ജ് 4, യു.എസ്.ബി ടൈപ്പ് സി എന്നിവയെല്ലാമാണ് ഫോണിന്റെ പ്രധാന പ്രത്യേകതകള്‍.

48+5 മെഗാപിക്‌സലിന്റെ ഇരട്ട പിന്‍കാമറകളോടൊപ്പം ആര്‍ട്ടിഫിഷ്യല്‍ ഇന്റലിജന്‍സിനും ഒത്ത് ചേരുന്നു. 13 മെഗാപിക്‌സലിന്റെറതാണ് സെല്‍ഫി കാമറ. ആന്‍ഡ്രോയിഡ് പൈ അടിസ്ഥാനമാക്കിയ എം.ഐ യു.ഐ 10 ആയിരിക്കും ഓപ്പറേറ്റിങ് സിസ്റ്റം. നോട്ട് 7ന്റെ 3 ജി.ബി റാം 32 ജി.ബി റോം വകഭേദത്തിന് 10,000 രൂപയാണ് വില 4/64 ജി.ബി, 6/64 ജി.ബി വേരിയന്റുകള്‍ക്ക് യഥാക്രമം 12,500, 14,500 എന്നിങ്ങനെയുമാണ് വില നിശ്ചയിച്ചിരിക്കുന്നത്.

×