ഡല്ഹി : കോണ്ഗ്രസ് പാര്ട്ടിയുടെ ചരിത്രത്തില് ആദ്യമായി പ്രസിഡന്റിന്റെ ഒപ്പില്ലാതെ എഐസിസി കത്ത്. മാധ്യമപ്രവര്ത്തകര്ക്കും പാര്ട്ടി ഘടകങ്ങള്ക്കും കഴിഞ്ഞ ദിവസം നല്കിയ കത്തിലാണ് പ്രസിഡന്റിന് പകരം ജനറല് സെക്രട്ടറി(സംഘടന) കെ സി വേണുഗോപാല് ഒപ്പിട്ടത്.
കത്തില് ഒപ്പിടാന് രാഹുല് ഗാന്ധി വിസ്സമ്മതിച്ചതിനെ തുടര്ന്നാണ് വേണുഗോപാല് ഒപ്പിട്ടതെന്നാണ് സൂചന. നിലവില് രാഹുല് ഗാന്ധിയാണ് പ്രസിഡന്റെങ്കിലും പാര്ട്ടി ഔദ്യോഗിക കാര്യങ്ങളില് ഇടപെടില്ലെന്ന രാഹുല്ഗാന്ധിയുടെ നിലപാട് മാറ്റിയിട്ടില്ല.
ലോക്സഭ തെരഞ്ഞെടുപ്പിലെ കനത്ത തോല്വിയെ തുടര്ന്ന് എഐസിസി അധ്യക്ഷ സ്ഥാനമൊഴിയാന് രാഹുല് ഗാന്ധി സന്നദ്ധത അറിയിച്ചിരുന്നു. തുടര്ന്ന എഐസിസി വര്ക്കിംഗ് കമ്മിറ്റിയിലും രാഹുല് ഗാന്ധി രാജി തീരുമാനത്തില് ഉറച്ചുനിന്നു.