ബര്ലിന്: ജര്മനിയില് ആദ്യമായി പഠനത്തിനു വരുന്നവരും ട്രെയിനികളും ഒക്കെ പഠനത്തിന്റെയും പരിശീലനത്തിന്റെയും തുടക്കം ഇന്ഫ്ളേഷന്റെയും വിലക്കയറ്റത്തിന്റെയും നടുവില് നട്ടം തിരിയുന്നതായി ഏറ്റവും ഒടുവിലത്തെ റിപ്പോര്ട്ടുകള് സൂചിപ്പിയ്ക്കുന്നു. ഈ വീഴ്ചയില് പരിശീലനവും പഠനവും ഒക്കെ എന്തായിത്തീരുമെന്നാണ് എല്ലാവരുടെയും ഇപ്പോഴത്തെ ആശങ്കയെന്നാണ് ഒരു മുന്നറിയിപ്പ്.വൈദ്യുതിയും ഗ്യാസും കൂടുതല് ചെലവേറിയതാകുന്നു, ഭക്ഷണത്തിന്റെ വില ഉയരുന്നു ~ യുവാക്കള് അവരുടെ പരിശീലനമോ പഠനമോ ആരംഭിക്കുന്ന സാഹചര്യത്തില് ഈ ശൈത്യകാല സെമസ്റററില് വിദ്യാര്ത്ഥികള് നാടകീയമായ സാമൂഹിക അടിയന്തരാവസ്ഥയെ അഭിമുഖീകരിക്കും എന്ന കാര്യം തീര്ച്ചയാണ്.
സാമ്പത്തികമായും മാനസികമായും കൊറോണ പാന്ഡെമിക്കില് നിന്ന് പുറത്തുവരുന്ന സാഹചര്യത്തില് കുതിച്ചുയരുന്ന വിലകള് കണക്കിലെടുത്ത്, ശൈത്യകാലത്ത് വൈദ്യുതി, ഗ്യാസ്, പലചരക്ക് സാധനങ്ങള് എന്നിവയ്ക്ക് എങ്ങനെ എവിടെ നിന്ന് പണം കണ്ടെത്തുമെന്നാണ് ആശങ്ക. പങ്കിട്ട അപ്പാര്ട്ട്മെന്റില് ഒരു മുറിയില് വളരെ ബുദ്ധിമുട്ടോടെ പ്രത്യേകിച്ചും എനിക്ക് സാമ്പത്തിക പരിധി ഉള്ളതിനാല് അടുത്ത വര്ഷത്തിന്റെ തുടക്കത്തില് വാടകച്ചെലവ് കുതിച്ചുയരും. അല്ലെങ്കില് ഗ്യാസ് വില വന്തോതില് ഉയരുന്നതിനാല് ഇനിയും അധിക പേയ്മെന്റുകള് നടത്തേണ്ടി വരും. വാടകയ്ക്ക് പുറമേ, തീര്ച്ചയായും, പലചരക്ക് സാധനങ്ങളുടെ ചിലവുകളും ഉണ്ട് .
സാധാരണ വിദ്യാര്ത്ഥികള് ശൈത്യ കാലത്തില് ജോലി ചെയ്യുമെങ്കിലും എല്ലാം സുരക്ഷിതത്വമായി ആസൂത്രണം ചെയ്യാന് കഴിയാത്ത ഒരു അനിശ്ചിതത്വമാണ് മുന്നിലുള്ളത്. കേരളത്തില് നിന്നും ലക്ഷങ്ങള് ബാങ്ക്വായ്പ്പയെടുത്ത് ഇവിടെ പഠത്തിനെത്തിയവരുടെ, ഇനിയും എത്തുന്നവരുടെ കാര്യം വളരെ കഷ്ടത്തിലാവുമെന്നാണ് വിവിധ റിപ്പോര്ട്ടുകള് പരിശോധിച്ചപ്പോള് ഞങ്ങക്ക് മനസിലാവുന്നത്. കുട്ടികളുടെ ആനുകൂല്യവും ഫെഡറല് ഗവണ്മെന്റിന്റെ ബോണസായ 300 യൂറോയും പ്രതീക്ഷിക്കുന്നുവെങ്കിലും ഇതൊന്നും മതിയാവാതെ വരും എന്ന കാര്യം തീര്ച്ചയാണ്. എന്നിരുന്നാലും, ഒരു കാര്യം വ്യക്തമാണ്: പണപ്പെരുപ്പം വിദ്യാര്ത്ഥികളുടെയും ട്രെയിനികളുടെയും ദൈനംദിന ജീവിതത്തില് ശ്രദ്ധേയമായ സ്വാധീനം ചെലുത്തിയിട്ടുണ്ട്.