കീവ്: യുക്രെയ്നില് റഷ്യ നടത്തിയ ഹിതപരിശോധനാഫലം പ്രഖ്യാപിച്ചതിനെത്തുടര്ന്ന്, നാല് പ്രവിശ്യകള് റഷ്യയോടു കൂട്ടിച്ചേര്ക്കുന്ന പ്രഖ്യാപനം പ്രസിഡന്റ് വ്ളാദിമിര് പുടിന്റെ സാന്നിധ്യത്തില് വെള്ളിയാഴ്ച നടക്കും.
നിലവില് റഷ്യന് സേനയുടെ നിയന്ത്രണത്തിലുള്ള കിഴക്കന് മേഖളയിലെ നാലു പ്രദേശങ്ങളില് കഴിഞ്ഞ വെള്ളിയാഴ്ച മുതല് ചൊവ്വാഴ്ച വരെയായിരുന്നു ഹിതപരിശോധനാ വോട്ടെടുപ്പ്. ലുഹാന്സ്കില് (98%, ഡോണെറ്റ്സ്കില് 99%, ഹേഴ്സനില് 87%, സാപൊറീഷ്യയില് 93% എന്നിങ്ങനെ അനുകൂല വോട്ട് ലഭിച്ചതായും റഷ്യ അവകാശപ്പെടുന്നു.
യുക്രെയ്ന്റെ പതിനഞ്ച് ശതമാനത്തോളം ഭൂഭാഗം ഉള്ക്കൊള്ളുന്നതാണ് ഈ നാല് പ്രവിശ്യകള്. നാല് പ്രവിശ്യകളിലെയും റഷ്യന് അനുകൂല നേതാക്കളായിരിക്കും കൂട്ടിച്ചേര്ക്കലിനുള്ള കരാറില് ഒപ്പുവയ്ക്കുക. തുടര്ന്ന് റഷ്യന് പാര്ലമെന്റ് ഇതു സംബന്ധിച്ച ബില് പാസാക്കും.