ഹീബ്രൂ ബൈബിളിന്റെ പുരാതന പകര്‍പ്പ് ലേലം ചെയ്യുന്നു

ന്യൂയോര്‍ക്ക്: ഹീബ്രു ബൈബിളിന്റെ ഏറ്റവും പഴക്കമേറിയ കയ്യെഴുത്തു പ്രതി "കോഡെക്സ് സസൂന്‍' ലേലം ചെയ്യുന്നു. ലോക പര്യടനത്തിനു ശേഷമായിരിക്കും ലേലം.

ജൂത, ൈ്രകസ്തവ വിശ്വാസപാരമ്പര്യങ്ങള്‍ക്ക് ആധാരശിലയായ ബൈബിളാണിത്. അടുത്തയാഴ്ച മുതല്‍ ലണ്ടന്‍, ടെല്‍ അവീവ്, ഡാലസ്, ലൊസാഞ്ചലസ് നഗരങ്ങളില്‍ പ്രദര്‍ശിപ്പിച്ചശേഷം ന്യൂയോര്‍ക്കില്‍ മേയിലാണു ലേലം നടത്തുക.

കോഡെക്സ് സസൂന് ലേല ഏജന്‍സിയായ സതെബീസ് പ്രതീക്ഷിക്കുന്ന തുക 3 5 കോടി ഡോളറാണ്. 5 കോടി ഡോളറിന് (413 കോടി രൂപ) വിറ്റു പോയാല്‍, അതും ചരിത്രമാകും.

1000 വര്‍ഷം പഴക്കമുള്ള അപൂര്‍വ ചരിത്രരേഖ ഏറ്റവും സമ്പൂര്‍ണമായ ഹീബ്രു ബൈബിള്‍ പതിപ്പാണ്. 12 കിലോഗ്രാം തൂക്കം വരും. മൃഗത്തോലില്‍ തയാറാക്കിയ 792 പേജുകളാണ് ഇതിലുള്ളത്.