ജിദ്ദ: പനി ബാധിച്ച് ജിദ്ദയിൽ ചികിത്സയിലായിരുന്ന മലയാളി ഞായറാഴ്ച മരണപ്പെട്ടു. പത്തനംതിട്ട, നാരങ്ങാനം സ്വദേശി തട്ടപ്ലാക്കൽ ഹനീഫ മൗലവി - ആമിന ബീവി എന്നിവരുടെ മകൻ ഷംസുദ്ദീൻ (54) ആണ് മരിച്ചത്. 10 വര്ഷങ്ങളായി നജ്റാനിൽ സ്വകാര്യ കമ്പനി ജീവനക്കാരനായിരുന്ന ശംസുദ്ധീൻ നാട്ടിൽ പോവുന്ന തിനായി ജിദ്ദയിലെത്തിയതായിരുന്നു. പിന്നീട് ജിദ്ദയിലെ ആശുപത്രിയിൽ ചികിത്സയിലാവുകയും ചെയ്യുകയായിരുന്നു.
ഭാര്യ: ബീന, മകൻ: ഷംനാദ്. ജിദ്ദയിലെ പത്തനംതിട്ട ജില്ലാ സംഗമം പ്രവർത്തകരും കമ്പനി അധികൃതരും അനന്തര നടപടികൾക്കായി രംഗത്തുണ്ടെന്ന് ഇതിനായി നേതൃത്വം നൽകുന്ന അലി തെക്കുതോട് പറഞ്ഞു.