പ്രധാനമന്ത്രി നരേന്ദ്ര മോദിയുമായി സാദൃശ്യമുള്ളതിന്റെ പേരില് ജനശ്രദ്ധ നേടിയ അഭിനന്ദ് പതക്ക് ബിജെപി വിട്ട വാര്ത്ത കഴിഞ്ഞ ദിവസമാണ് ദേശീയ മാധ്യമങ്ങള് റിപ്പോര്ട്ട് ചെയ്തത്. ഇതിനു പിന്നാലെ ഛത്തീസ്ഗഢില് കോണ്ഗ്രസിനു വേണ്ടി വോട്ട് പിടിക്കാന് കളത്തിലിറങ്ങുകയും ചെയ്തു അഭിനന്ദ് പതക്ക്. കോണ്ഗ്രസ് ദേശീയ അധ്യക്ഷന് രാഹുല് ഗാന്ധിക്കൊപ്പം ഛത്തീസ്ഗഢില് അഭിനന്ദ് പതക്ക് പ്രചാരണം നടത്തി.
അഭിനന്ദ് പതക്കിനൊപ്പം നില്ക്കുന്ന ചിത്രം സാക്ഷാല് രാഹുല് ഗാന്ധി തന്നെ ഫേസ്ബുക്കിലൂടെ പങ്കുവെച്ചു. ‘ഛത്തീസ്ഗഢില് കോണ്ഗ്രസിന് വേണ്ടി പ്രചാരണം നടത്താന് തങ്ങള്ക്ക് ലഭിച്ച ആളെ നോക്കൂ…’എന്ന അടിക്കുറിപ്പോടെയാണ് രാഹുല് ഗാന്ധി ചിത്രങ്ങള് പങ്കുവെച്ചിരിക്കുന്നത്.