ബൈക്ക് നിയന്ത്രണം വിട്ട് മതിലിലിടിച്ചു പോലീസുകാരൻ മരിച്ചു.

ചേലക്കര: ബൈക്ക് നിയന്ത്രണം വിട്ട് മതിലിൽ ഇടിച്ച് അന്തിമഹാകാളൻകാവ് പൂവ്വത്തിങ്കൽ ഗുഹാനന്ദൻ നായരുടേയും ആനന്ദവല്ലി ടീച്ചറുടേയും മകനായ പഴയന്നൂർ പോലീസ് സ്റ്റേഷനിലെ SCPO ആയ മനോജ് നംപ്യാർ (42 വയസ്സ്) മരണമടഞ്ഞത്.

ബുധനാഴ്ച രാത്രിയോടെയാണ് അപകടം നടന്നത്.

കല്യാണത്തിൽ പങ്കെടുത്ത് ചേലക്കര അന്തിമഹാകാളൻകാവിലെ വീട്ടിലേക്കുള്ള യാത്രയിൽ ഓടിച്ചിരുന്ന ബുള്ളറ്റ് നിയന്ത്രണം വിട്ട് മതിലിൽ ഇടിച്ചാണ് അപകടമുണ്ടായത്.ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.തൃശൂർ മെഡിക്കൽ കോളേജ് ആശുപത്രിയിൽ പോസ്റ്റുമോർട്ടത്തിനു ശേഷം മൃതദേഹം ഔദ്യോഗിക ബഹുമതികളോടെ സംസ്കരിച്ചു.ഭാര്യ-ശ്രീധന്യ (ഹയർ സെക്കണ്ടറി അധ്യാപിക) മക്കൾ :സിദ്ധാർത്ഥ് നംപ്യാർ, ശങ്കർദേവ് നംപ്യാർ. സഹോദരൻ:വിനോദ് നംപ്യാർ.