ന്യൂഡല്ഹി: ആധാര്, പാന് വിവരങ്ങള് നല്കാത്തവരുടെ ശന്പളത്തിന്റെ 20 ശതമാനം പിടിച്ചെടുക്കാന് ആദായനികുതി വകുപ്പിന്റെ കര്ശന നിര്ദേശം. സ്ഥാപന മേധാവികള്ക്ക് ഇതു സംബന്ധിച്ച മാര്ഗനിര്ദേശങ്ങള് ആദായനികുതി വകുപ്പ് നല്കി കഴിഞ്ഞു.
സെന്ട്രല് ബോര്ഡ് ഓഫ് ഡയറക്ട് ടാക്സസ് ആണ് ഇത്തരമൊരു നിര്ദേശം നല്കിയിരിക്കുന്നത്. ഒരു വര്ഷം രണ്ടര ലക്ഷത്തില് അധികം വരുമാനമുള്ളവര്ക്കായിരിക്കും ഈ നിയമം ബാധകമാക്കുക. രാജ്യത്തെ നികുതി വരുമാനം വര്ധിപ്പിക്കുന്നതിന്റെ ഭാഗമായാണ് ആദായനികുതി വകുപ്പിന്റെ ഈ നടപടി.