ശരീരം നിറയെ പടര്ന്നു പിടിച്ച തീയുമായി റാംപിലെത്തി ശ്രദ്ധയാകര്ഷിച്ച് അക്ഷയ്കുമാര്. ആമസോണ് പ്രൈംസീരിസിന്റെ ദ് എന്ഡ് എന്ന പരമ്പര
യിലൂടെ ഡിജിറ്റല് പ്ലാറ്റ്ഫോണിലേക്ക് അരങ്ങേറ്റം കുറിക്കുകയാണ് അക്ഷയ് കുമാര് ഇതിന്റെ ഭാഗമായാണ് റാംപ് വാക്ക് സംഘടിപ്പിച്ചത്.
താരം, തീപടര്ന്ന സ്യൂട്ട് ധരിച്ച് റാംപ് വാക്ക് നടത്തുന്നതിന്റെ ദൃശ്യങ്ങള് സോഷ്യല്മീഡിയയില് വൈറലായി മാറിയിരിക്കുകയാണ്. എന്നാല് അദ്ദേഹത്തിന്റെ പ്രവൃത്തിയില് ഭാര്യ ട്വിങ്കിള് ഖന്ന അല്പ്പം ദേഷ്യത്തിലാണ്. ഇത് ട്വിറ്ററിലൂടെ അവര് പ്രകടിപ്പിക്കുകയും ചെയ്തു.
'നാശം!!! സ്വയം തീയിടാന് തീരുമാനിച്ചിരിക്കയാണോ? ഇതില് നിന്ന് രക്ഷപ്പെട്ട് വീട്ടിലെത്തുന്ന നിമിഷം ഞാന് കൊല്ലും. '
Crap! This is how I find out that you decided to set yourself on fire ! Come home and I am going to kill you-in case you do survive this! #GodHelpMe https://t.co/K7a7IbdvRN
— Twinkle Khanna (@mrsfunnybones) March 5, 2019
'ഗോഡ് ഹെല്പ് മീ' എന്ന ഹാഷ് ടാഗോടെയാണ് ട്വിങ്കിളിന്റെ ട്വീറ്റ്. അക്ഷയ് കുമാര് വീട്ടിലെത്തിയാല് ഉടന് അപ്ഡേറ്റുകള് തരണമെന്നും താരം വീട്ടിലെത്തിയാല് എങ്ങനെയായിരിക്കും ട്വിങ്കിളിന്റെ പ്രതികരണമെന്നതാണ് ഇപ്പോള് രാജ്യം അറിയാന് ആഗ്രഹിക്കുന്നതെന്നും തരത്തിലുള്ള രസകരങ്ങളായ കമന്റുകളുമായി ആരാധകര് ട്വീറ്റ് ഏറ്റെടുത്തു കഴിഞ്ഞു.
https://www.facebook.com/bollywoodhungamacom/videos/645511865908573/
'ദ എന്റ്' എന്ന സീരീസിലാണ് അക്ഷയ് കുമാര് അഭിനേതാവായി എത്തുന്നത്. ഇന്നത്തെ യുവത്വം ഡിജിറ്റല് ലോകത്തിനു പിന്നാലെയാണെന്നു പറഞ്ഞ മകന് ആരവിന്റെ നിര്ദേശപ്രകാരമാണ് താന് ഈ ഡിജിറ്റല് പ്ലാറ്റ്ഫോമില് രംഗപ്രവേശം നടത്തിയതെന്നും വ്ത്യസ്തമായി എന്തെങ്കിലും ചെയ്യാമെന്നു കരുതിയാണ് ഇതിലേക്കെത്തിയതെന്നും വേദിയില് സംസാരിക്കവെ അക്ഷയ്കുമാര് പറഞ്ഞു.