ന്യൂഡല്ഹി: ഡല്ഹിയില് കോണ്ഗ്രസ് ആംആദ്മി സംഖ്യം കൂടിയേ തീരൂ എന്ന് എഎപി എംഎല്എ അല്ക ലാംബ.
ഇരുപാര്ട്ടികളും ഔന്നിച്ച് മത്സരിച്ചാല് മാത്രമേ ബിജെപിയുടെ പരാജയം ഉറപ്പു വരുത്താന് സാധിക്കുകയുള്ളൂ എന്ന് ലാംബ പറഞ്ഞു. സ്വ. ബിജെപിയെ പരാജയപ്പെടുത്താന് താന് ആം ആദ്മി പാര്ട്ടിക്കൊപ്പം നിക്കണോ അതോ കോണ്ഗ്രസിനൊപ്പം നില്ക്കണോ എന്നത് തന്റെ മണ്ഡലത്തിലെ ജനങ്ങളോട് ചോദിക്കുകയാണെന്ന് ലാംബ കൂട്ടിച്ചേര്ത്തു.
ബിജെപിയ്ക്കെതിരെ പോരാടുന്ന തനിക്കെതിരെ ചില ആളുകള് യുദ്ധം പ്രഖ്യാപിച്ചിരിക്കുകയാണ്. താന് രാജിവയ്ക്കണമെന്ന് തന്റെ പാര്ട്ടിയിലെ ആളുകള് ആവശ്യപ്പെട്ടുകൊണ്ടിരിക്കുകയാണ്.
എന്തിനാണ് താന് രാജിവയ്ക്കുന്നതെന്നും താന് എഎപിയില്നിന്ന് രാജിവയ്ക്കണമോയെന്ന് തന്റെ ചാന്ദിനചൈക്കിലെ ജനങ്ങള് തീരുമാനിക്കണം. താന് ചെയ്ത് തെറ്റ് എന്താണെന്ന് അറിയണമെന്നും ലാംബ കൂട്ടിച്ചേര്ത്തു.