ലക്നോ: പൗരത്വ ഭേദഗതി നിയമം ആരു പ്രതിഷേധിച്ചാലും പിന്വലിക്കില്ലെന്ന് ആവര്ത്തിച്ച് കേന്ദ്ര ആഭ്യന്തരമന്ത്രി അമിത്ഷാ. പ്രതിപക്ഷത്തിന്റെ എതിര്പ്പിനെ ഭയപ്പെടുന്നില്ല. ഇത്തരം ഭീഷണികള് തങ്ങള് കണ്ടിട്ടുള്ളതാണെന്നും അമിത്ഷാ ലക്നോവില് പറഞ്ഞു.
വോട്ടു ബാങ്ക് രാഷ്ട്രീയത്തിന്റെ മുഖംമൂടി കൊണ്ട് കണ്ണുകള് മൂടിയിരിക്കുന്നതിനാല് പ്രതിപക്ഷത്തിന് യാഥാര്ഥ്യത്തെ മനസിലാക്കാന് സാധിക്കുന്നില്ലെന്നും ഷാ കുറ്റപ്പെടുത്തി.
പൗരത്വ ഭേദഗത നിയമത്തില് കോണ്ഗ്രസ് നുണപ്രചരിപ്പിക്കാനാണ് ശ്രമിക്കുന്നത്. വിഷയത്തില് ചര്ച്ചയ്ക്കായി പ്രതിപക്ഷ നേതാക്കളെ അദ്ദേഹം വെല്ലുവിളിക്കുകയും ചെയ്തു.