മലയാള മിനിസ്ക്രീൻ പ്രേക്ഷകരുടെ പ്രിയപ്പെട്ട നടിയാണ് ആര്യ പാർവതി. ടെലിവിഷൻ സീരിയലുകളിലൂടെ പ്രേക്ഷകരുടെ പ്രിയങ്കരിയായ നടി സോഷ്യൽ മീഡിയയിലും സജീവമാണ്. നർത്തകി കൂടിയായ ആര്യ തന്റെ കുടുംബത്തിലേക്ക് പുതിയൊരു അംഗം എത്താൻ പോകുകയാണെന്ന വിവരം കഴിഞ്ഞ ദിവസം അറിയിച്ചിരുന്നു. കാത്തിരിപ്പിന് വിരാമമിട്ട് ഇപ്പോഴിതാ ആര്യക്ക് സഹോദരി ജനിച്ചിരിക്കുകയാണ്.
സോഷ്യൽ മീഡിയ വഴി തന്നെയാണ് ആര്യ ഇക്കാര്യം പങ്കുവെച്ചത്. 'ഞാനൊരു ചേച്ചിയമ്മയായി. അമ്മയും കുഞ്ഞും സുഖമായിരിക്കുന്നു' എന്നാണ് ആര്യ ഇൻസ്റ്റഗ്രാമിൽ പോസ്റ്റ് ചെയ്തത്. നിരവധി പേരാണ് ആര്യയ്ക്കും കുടുംബത്തിനും ആശംസകളറിയിച്ച് എത്തിയത്. സ്വന്തം അമ്മയ്ക്ക് വിശേഷമുണ്ടെന്നും ഈ നിമിഷത്തെ സന്തോഷം പറഞ്ഞറിയിക്കാൻ സാധിക്കുകയില്ലെന്നും പറഞ്ഞ് ആര്യ പാർവതി പങ്കുവച്ച കുറിപ്പ് ആരാധകരും ഏറ്റെടുത്തിരുന്നു.
നർത്തകിയായ ആര്യ പാർവതി സ്കൂൾ കലോത്സവങ്ങളിൽ മോഹിനിയാട്ടത്തിലൂടെ ഒന്നാം സ്ഥാനം നേടിയ താരമാണ്. പിന്നാലെ 'ചെമ്പട്ട്' എന്ന സീരിയലിലൂടെ അഭിനയ ലോകത്തേക്ക് കടന്നു. ഇളയവൾ ഗായത്രി എന്ന സീരിയലിലും അഭിനയിച്ചു. അഭിനയവും നൃത്തവുമൊക്കെയായി മുന്നോട്ട് പോവുകയാണ് നടിയിപ്പോൾ. അതിനിടയിലാണ് ഏറ്റവും വലിയൊരു സന്തോഷവുമായി എത്തിയത്.