ഭോപ്പാല്: സഹപ്രവര്ത്തകയായ വനിതാ പോലീസ് ഉദ്യോഗസ്ഥയെ ലൈംഗികമായി പീഡിപ്പിച്ച സംഭവത്തില് സിവില് പോലീസ് ഉദ്യോഗസ്ഥനെതിരേ കേസ്. ആനന്ദ് ഗൗതം എന്ന പോലീസുകാരനെതിരേയാണു കേസ് രജിസ്റ്റര് ചെയ്തത്.
മധ്യപ്രദേശിലെ വിദിഷ ജില്ലയിലെ പോലീസ് സ്റ്റേഷനിലാണു സംഭവം. ജൂണ് 15-ന് ആനന്ദ് നസീര്ബാദ് പോലീസ് സ്റ്റേഷനില് ജോലി ചെയ്യവെ, ആനന്ദ് ജവഹര് ചൗക്കിലെ ഹോട്ടലില് മുറിയെടുത്ത് മയക്കുമരുന്നു നല്കി മയക്കി പീഡിപ്പിച്ചു എന്നാണു പോലീസ് ഉദ്യോഗസ്ഥ നല്കിയ പരാതിയില് ആരോപിക്കുന്നത്. പീഡനദൃശ്യങ്ങള് പ്രചരിപ്പിക്കുമെന്നും ലൈംഗികബന്ധത്തിന് വിസമ്മതിച്ചാല് മുഖത്ത് ആസിഡ് ഒഴിക്കുമെന്ന് ആനന്ദ് ഭീഷണിപ്പെടുത്തിയെന്നും പരാതിയില് ആരോപണമുണ്ട്.
സംഭവത്തില് അഞ്ചു മാസത്തിനുശേഷമാണു പോലീസ് ഉദ്യോഗസ്ഥ അധികൃതര്ക്കു പരാതി നല്കുന്നത്. ആനന്ദിനെതിരെ അന്വേഷണം തുടങ്ങിയതായി പോലീസ് പറഞ്ഞു.