കുവൈറ്റില്‍ പക്ഷിവേട്ടക്കാർക്കെതിരെ കർശന നടപടിയുണ്ടാകുമെന്ന് ആഭ്യന്തരമന്ത്രാലയത്തിന്റെ മുന്നറിയിപ്പ്

കുവൈറ്റ് ; കുവൈറ്റില്‍ പക്ഷിവേട്ടക്കാർക്കെതിരെ കർശന നടപടിയുണ്ടാകുമെന്ന് ആഭ്യന്തരമന്ത്രാലയത്തിന്റെ മുന്നറിയിപ്പ് .പക്ഷിവേട്ടയുടെ പേരിൽ പിടിക്കപ്പെട്ടാൽ ഒരുവർഷം വരെ തടവും 5000 ദിനാർ വരെ പിഴയും ശിക്ഷ വിധിക്കും. രാജ്യത്തിന്റെ വിവിധ ഭാഗങ്ങളിൽ പക്ഷികളെ വേട്ടയാടുന്ന പ്രവണത വർധിച്ചതായി ശ്രദ്ധയിൽ‌പെട്ടിട്ടുണ്ടെന്നു മന്ത്രാലയം അറിയിച്ചു.

സുരക്ഷാ ഉദ്യോഗസ്ഥർ വിവിധ മേഖലകളിൽ പരിശോധന കർശനമാക്കും. ആയുധങ്ങൾ പിടിച്ചെടുക്കുമെന്നും മന്ത്രാലയം അറിയിച്ചു.