ന്യൂഡല്‍ഹി: ഹാക്കര്‍മാര്‍ ബിജെപി ഐടി സെല്ലിന്‍റെ കോപ്പി-പേസ്റ്റ് കളി പൊളിച്ചടുക്കി . ക്ലൗഡ് കന്പ്യൂട്ടിംഗിലെ കൊളാബറേറ്റീവ് എഡിറ്റിംഗ് സൗകര്യം പ്രയോജനപ്പെടുത്തിയാണ് ഹാക്കര്‍മാര്‍ പണികൊടുത്തത്. ഇത് തിരിച്ചറിയാതെ കേന്ദ്രമന്ത്രിയടക്കമുള്ളവര്‍ മോദി സര്‍ക്കാരിനെതിരേ സ്വന്തം അക്കൗണ്ടുകളില്‍നിന്നു ട്വീറ്റിടുകയും ചെയ്തു.
/sathyam/media/post_attachments/JxPGwuAgbAdsCuWworlU.jpg "publive-image")
നിരവധി പേര്‍ക്ക് ഒരുപോലെ എഡിറ്റിംഗ് സാധ്യമാക്കുന്ന വിധത്തില്‍ ഷെയര്‍ ചെയ്യപ്പെട്ട ഒരു ബിജെപി ഐടി സെല്‍ ഡോക്യുമെന്‍റിലാണ് ഹാക്കര്‍മാര്‍ കൈവച്ചത്. ഐടി സെല്‍ തയാറാക്കിയ മോദിയുടെ ഭരണനേട്ടങ്ങളും മറ്റും പ്രകീര്‍ത്തിക്കുന്ന ഈ ഡോക്യുമെന്‍റിലേക്ക് മോദി സര്‍ക്കാരിനെ വിമര്‍ശിക്കുന്ന ചില വാചകങ്ങള്‍ ഹാക്കര്‍മാര്‍ എഡിറ്റ് ചെയ്ത് ഉള്‍പ്പെടുത്തുകയായിരുന്നു. ഇതിന്‍റെ സ്ക്രീന്‍ വീഡിയോയും പ്രതീക് സിന്‍ഹ പുറത്തുവിട്ടു.
വസ്തുതാ പരിശോധനാ വെബ്സൈറ്റായ ഓള്‍ട്ട്ന്യൂസാണ് ബിജെപി ഐടി സെല്ലിന്‍റെ പിഴവുകള്‍ പുറത്തുകൊണ്ടുവന്നത്. വെബ്സൈറ്റ് സ്ഥാപകന്‍ പ്രതീക് സിന്‍ഹ ഇക്കാര്യങ്ങള്‍ ചൂണ്ടിക്കാട്ടി വിശദമായി ട്വീറ്റ് ചെയ്തു.
പ്രധാനമന്ത്രി മോദി പാര്‍ശ്വവല്‍ക്കരിക്കപ്പെട്ടവര്‍ക്ക് പരിഗണന നല്‍കി എന്ന ഐടി സെല്‍ വിതരണം ചെയ്ത ഡോക്യുമെന്‍റിലെ വാചകം പ്രധാനമന്ത്രി മോദി അതിസന്പന്നര്‍ക്കു പരിഗണന നല്‍കി എന്നാക്കി ഹാക്കര്‍മാര്‍ തിരുത്തി.
മോദി ഗ്രാമങ്ങള്‍ നശിപ്പിച്ചെന്നും മോദി സര്‍ക്കാര്‍ സ്ത്രീകളെ കുക്കിംഗ് അടിമകളാക്കിയെന്നും ഹാക്കര്‍മാര്‍ എഴുതി. ഇതാണ് ബിജെപിയുടെ വിവിധ സംസ്ഥാനങ്ങളിലെ സെല്ലുകളും അക്കൗണ്ടുകളും ഉപയോഗിച്ചത്.
കേന്ദ്രമന്ത്രി പൊന്‍ രാധാകൃഷ്ണന്‍, ആസാം ബിജെപിയുടെ ഒൗദ്യോഗിക അക്കൗണ്ട്, ബിജെപി അനുഭാവ അക്കൗണ്ടുകള്‍ എന്നിങ്ങനെ നൂറു കണക്കിന് ട്വിറ്റര്‍ അക്കൗണ്ടുകള്‍ ഈ ഡോക്യുമെന്‍റിലെ വാചകങ്ങള്‍ വായിച്ചുപോലും നോക്കാതെ ട്വീറ്റില്‍ പങ്കുവച്ചു. ബിജെപി സര്‍ക്കാരിനെ വിമര്‍ശിച്ച്‌ ബിജെപി മന്ത്രി തന്നെ ട്വീറ്റ് ചെയ്തതു ചര്‍ച്ചയായതോടെ മന്ത്രിയുടെ അക്കൗണ്ടില്‍നിന്നു ട്വീറ്റ് അപ്രത്യക്ഷമായി. എന്നാല്‍ ഇതിന്‍റെ സ്ക്രീന്‍ഷോട്ടുകള്‍ വ്യാപകമായി പ്രചരിച്ചു. ട്വിറ്റര്‍ ആര്‍ക്കൈവില്‍നിന്ന് ഇവ വീണ്ടെടുത്ത് പ്രതീക് സിന്‍ഹ പങ്കുവച്ചു. ചില അക്കൗണ്ടുകളില്‍നിന്ന് ട്വീറ്റുകള്‍ ഇപ്പോഴും നീക്കിയിട്ടില്ല.
Follow Us/sathyam/media/agency_attachments/5VspLzgrB7PML1PH6Ix6.png)
