New Update
ഡല്ഹി : ചിദംബരത്തിന്റെ അറസ്റ്റ് തടയാതെ വീണ്ടും സുപ്രീം കോടതി. ചിദംബരത്തിന്റെ മുന്കൂര് ജാമ്യാപേക്ഷ ഇന്ന് പരിഗണിക്കില്ല. മുന്കൂര് ജാമ്യാപേക്ഷ അടിയന്തിരമായി പരിഗണിക്കാനാവില്ലെന്നായിരുന്നു സുപ്രീം കോടതി പറഞ്ഞത്.
ലിസ്റ്റ് ചെയ്യാതെ എങ്ങനെ ഹര്ജി പരിഗണിക്കുമെന്നും ജസ്റ്റിസ് രമണ ചോദിച്ചു. നാളെ ലിസ്റ്റ് ചെയ്താല് ഹര്ജി പരിഗണിക്കുമെന്നും സുപ്രീം കോടതി പറഞ്ഞു.
അതേസമയം ചിദംബരം ഒളിച്ചോടിയില്ലെന്ന് അദ്ദേഹത്തിന് വേണ്ടി ഹാജരായ അഭിഭാഷകന് കപില് സിബല് പറഞ്ഞു. ഹര്ജിയില് തീരുമാനം ഉണ്ടാകുന്നതു വരെ അറസ്റ്റ് ചെയ്യരുതെന്ന ചിദംബരത്തിന്റെ ആവശ്യവും സുപ്രീം കോടതി അംഗീകരിച്ചില്ല.
ചിദംബരത്തിന്റെ ഹരജിയ്ക്കെതിരെ സി.ബി.ഐ തടസ്സ ഹരജി സമര്പ്പിച്ചിരുന്നു. സി.ബി.ഐക്ക് നോട്ടീസ് നല്കാതെ ഒരു തീരുമാനവും എടുക്കരുതെന്നാണ് തടസ്സ ഹര്ജിയില് സി.ബി.ഐ ആവശ്യപ്പെട്ടത്.