''അച്ഛനുമായി പത്ത് വര്‍ഷമായി മിണ്ടാറില്ല, അയാള്‍ക്ക് ഒട്ടനവധി ഭാര്യമാരും നിരവധി കുട്ടികളുമുണ്ട്...''

വേറിട്ട വസ്ത്രധാരണരീതികൊണ്ട് സോഷ്യല്‍ മീഡിയയില്‍ വിവാദങ്ങളില്‍ നിറയുന്ന താരമാണ് ഉര്‍ഫി ജാവേദ്. മുന്‍ ബിഗ് ബോസ് താരം കൂടിയായ ഉര്‍ഫി ഇപ്പോഴിതാ തന്റെ പിതാവിനെക്കുറിച്ച് ഒരഭിമുഖത്തില്‍ തുറന്നു പറയുകയാണ്. 

''അച്ഛനുമായി പത്ത് വര്‍ഷമായി മിണ്ടാറില്ല. അയാള്‍ പലപ്പോഴും ഞങ്ങളോട് മിണ്ടാന്‍ ശ്രമം നടത്തിയിട്ടുണ്ട്. അതുപോലെ അയാള്‍ വേറെ വിവാഹം കഴിച്ചു. അയാള്‍ക്ക് ഒട്ടനവധി ഭാര്യമാരും നിരവധി കുട്ടികളുമുണ്ട്. 

അയാള്‍ അയാളുടെ കുടുംബവുമായി സന്തോഷത്തോടെ കഴിയുന്നു എന്നാണ് എനിക്ക് തോന്നുന്നത്. ഞാന്‍ ഒരിക്കലും എന്റെ പിതാവുമായി അറ്റാച്ച്ഡായിരുന്നില്ല. അയാളില്‍ നിന്നും ദൂരെ മാറിപോകാനെ എന്നും ശ്രമിച്ചിട്ടുള്ളൂ. അതുകൊണ്ട് എനിക്ക് കുറ്റബോധമില്ല. 

ടോക്‌സിക്കായിട്ടുള്ള മനുഷ്യന്മാരെ നമ്മള്‍ ജീവിതത്തില്‍ നിന്നും കളയണം. അത് രക്ത ബന്ധമാണെങ്കില്‍ പോലും. നിങ്ങള്‍ക്ക് നല്ലതല്ലെങ്കില്‍ അകറ്റി നിര്‍ത്തണം. എനിക്ക് അയാളുമായി ബന്ധമുണ്ടാക്കാനും താല്‍പര്യമില്ല..''- ഉര്‍ഫി പങ്കുവച്ചു.