ഹിമാചൽപ്രദേശ് , ഉത്തരാഖണ്ഡ് , കാശ്മീർ എന്നിവിടങ്ങളിൽ കഴിഞ്ഞ ബുധനാഴ്ചമുതൽ ഇടവിട്ടിടവിട്ട് മഞ്ഞുപൊഴിയുകയാണ്. തണുപ്പ് മൈനസിലേക്കു മാറിയിരിക്കുന്നു.
സഞ്ചാരികളുടെ മനംകവരാൻ പോകുന്ന മനോഹരദൃശ്യങ്ങളാണ് ഇപ്പോൾ എവിടെയും. മലനിരകളെല്ലാം മഞ്ഞണിഞ്ഞുനിൽക്കുന്ന കാഴ്ച. വെള്ളപ്പട്ടു വിരിച്ചതുപോലെ താഴ്വാരങ്ങൾ.
ഹിമാചൽപ്രദേശിലെ ഷിംല, നരകണ്ഠ, സാങ്ല, കുല്ലു, സോലാങ് താഴ്വരകളിലെല്ലാം മഞ്ഞുവീണുകൊണ്ടിരി ക്കുകയാണ്. അതോടൊപ്പം തണുപ്പിനും കാഠിന്യമേറുന്നുണ്ട്.
ജമ്മു കാശ്മീരിലും വ്യാപകമായി മഞ്ഞുവീഴ്ച തുടരുകയാണ്. ഇക്കൊല്ലത്തെ ക്രിസ്തുമസ് കാലയളവിൽ റിക്കാർഡ് സഞ്ചാരികൾ ഇവിടേക്കെത്തുമെന്നാണ് അനുമാനം.