ഗ്ലോബല്‍ വാമിംഗ് മൂലം ലോകമാകെ കാലാവസ്ഥാ വ്യതിയാനം സംഭവിച്ചുകൊണ്ടിരിക്കുകയാണ്. ഗള്‍ഫ് മേഖലയിലെ പല രാജ്യങ്ങളിലും ഇപ്പോള്‍ അത്യപൂര്‍വ്വമായ മഞ്ഞുവീഴ്ച അനുഭവപ്പെട്ടുകൊ ണ്ടിരിക്കുന്നു.
/ "publive-image")
സിറിയ,ലെബനോന്‍,സൌദിഅറേബ്യ എന്നീ രാജ്യങ്ങളിലും മഞ്ഞുവീഴുകയാണ്. സൌദിഅറേബ്യയിലെ ഹില്‍ ഏരിയയായ താബുക്കില്‍ മഞ്ഞുപാളികള്‍ കൊണ്ട് മലകളാകെ വെള്ളിപുതച്ചു കിടക്കുകയാണ്. ആഫ്രിക്കയിലെ സഹാറ മരുഭൂമിയിലും ഇതാദ്യമായി മഞ്ഞുവീണത് കഴിഞ്ഞമാസം വലിയ വാര്‍ത്തയായിരുന്നു. മൂന്നുമുതല്‍ നാലടിവരെ കട്ടിയിലാണ് അന്ന് സഹാറയില്‍ മഞ്ഞു വീണുറഞ്ഞത്‌.
ഇപ്പോള്‍ മഞ്ഞുവീഴ്ച ഏറ്റവും രൂക്ഷമായിരിക്കുന്നത് ഇറാനിലാണ്. തലസ്ഥാനമായ ടെഹ്‌റാനില്‍ 4 അടിവരെ കനത്തിലാണ് മഞ്ഞുറഞ്ഞുകിടക്കുന്നത്. പ്രധാനപ്പെട്ട രണ്ട് എയര്‍ പോര്‍ട്ടുകള്‍ അടച്ചിട്ടു. വൈദ്യുതിബന്ധം പൂര്‍ണ്ണമായി നിലച്ചു. സ്കൂളുകള്‍ക്ക് അവധി നല്‍കിയിരിക്കുകയാണ്.
മരങ്ങള്‍ വരെ മഞ്ഞുപാളികള്‍ കൊണ്ട് മൂടിക്കിടക്കുന്ന രൂക്ഷമായ മഞ്ഞുവീഴ്ച ഇറാനില്‍ ഇതാദ്യമായാണ്. യൂറോപ്യന്‍ രാജ്യങ്ങളില്‍ മാത്രം കണ്ടുവന്നിരുന്ന ഇത്തരം മഞ്ഞുവീഴ്ചയുടെ കൌതുകം നന്നായി ആസ്വദിക്കുകയാണ് ഇറാന്‍ വാസികള്‍.. ടെഹ്‌റാന്‍ നഗരം ഒരു വണ്ടര്‍ ലാന്ഡ് പോലെ മാറിക്കഴിഞ്ഞിരിക്കുന്നു.
Follow Us/sathyam/media/agency_attachments/5VspLzgrB7PML1PH6Ix6.png)
