പ്രയാഗ്രാജിൽ നടക്കുന്ന കുംഭമേളയിൽ ഇക്കഴിഞ്ഞ 29 ( ജനുവരി) നു ഉത്തർപ്രദേശ് മുഖ്യമന്ത്രി യോഗി ആദിത്യനാഥ് തൻ്റെ മന്ത്രിസഭയിലെ അംഗങ്ങൾക്കും സന്യാസിവര്യന്മാർക്കുമൊപ്പം പവിത്ര സംഗമത്തിൽ സ്നാനം ചെയ്യുകയും ഗംഗാനദിയിൽ ആരതി ഉഴിയുകയും ചെയ്തു. കുംഭമേളയിൽ സ്നാനം ചെയ്താൽ പുണ്യം ലഭിക്കുമെന്നാണ് വിശ്വാസം.
ഇതേപോലെതന്നെ ഉത്തർപ്രദേശ് മുൻമുഖ്യമന്ത്രിയായിരുന്നു മുലായംസിംഗ് യാദവും സംഗമത്തിൽ സ്നാനം ചെയ്തിട്ടുണ്ട്. 2007 ൽ മൂന്നാം തവണ മുഖ്യമന്ത്രിയായിരിക്കുമ്പോൾ അദ്ദേഹം ജനുവരി 20 നു അലഹബാദിൽ ( ഇന്ന് പ്രയാഗ് രാജ് ) അർദ്ധകുംഭമേള നടന്ന അവസരത്തിലായിരുന്നു സ്നാനം ചെയ്തത്.