നിൽക്കുന്ന ബാബ - കഴിഞ്ഞ 12 വർഷമായി ഒറ്റക്കാലില്‍ നില്‍പ്പ്. ഉറക്കവും നിന്നുകൊണ്ട് - കുംഭമേളയിലെ കാഴ്ചകൾ !!

ഖഡേശ്വർ ശ്രീ മഹാരാജ് ബാബ.

രാജസ്ഥാനിൽ നിന്ന് പ്രയാഗ്‌രാജിലെ കുംഭമേളയിലെത്തിയ ഹരിവംശ് ഗിരി യാണ് ഖഡേശ്വർ ശ്രീ മഹാരാജ് ബാബ ( നിൽക്കുന്ന ബാബ ) എന്ന പേരിൽ ഖ്യാതി നേടിയിരിക്കുന്നത്.

കഴിഞ്ഞ 12 വർഷമായി ഇദ്ദേഹം ഒറ്റക്കാലിലാണ് നിൽക്കുന്നത്. കുളിക്കാനും മറ്റുള്ള പ്രാഥമിക ആവശ്യങ്ങൾക്കും ഒറ്റക്കാലിലാണ് പോകുന്നതും വരുന്നതും. ഉറക്കവും ഇങ്ങനെ നിന്നുകൊണ്ടാണത്രെ.

അയോദ്ധ്യയിൽ രാമക്ഷേത്രം നിർമ്മിക്കുക എന്ന ലക്‌ഷ്യം കൈവരിക്കാതെ താൻ മടക്കിവച്ചിരിക്കുന്ന കാൽ നിലത്തുകുത്തുകയില്ലെന്ന ശപഥത്തിലാണിദ്ദേഹം.