ന്യൂഡല്ഹി: കൊറോണ വൈറസ് പടര്ന്നുപിടിക്കുന്ന ചൈനയക്ക് സഹായ ഹസ്തവുമായി ഇന്ത്യ. കൊറോണയെ നേരിടാന് ചൈനയ്ക്ക് എല്ലാ പിന്തുണയും നല്കുമെന്ന് കാട്ടി പ്രധാനമന്ത്രി നരേന്ദ്ര മോദി ചൈനീസ് പ്രസിഡന്റ് ഷീ ജിന് പിംഗിന് കത്തയച്ചു.
വൈറസ് ബാധയേത്തുടര്ന്ന് മരണമടഞ്ഞവര്ക്ക് അനുശോചനം രേഖപ്പെടുത്തുന്നുവെന്നും പ്രധാനമന്ത്രി കത്തില് വ്യക്തമാക്കി. ഇന്ത്യക്കാരായ 600 പേരെ രാജ്യത്തേക്ക് തിരികയെത്തിക്കാന് സഹായിച്ച ചൈനീസ് സര്ക്കാരിന് നന്ദിയറിയിക്കുന്നുവെന്നും കത്തിലുണ്ട്.
600ലേറെ പേരെയാണ് കഴിഞ്ഞയാഴ്ച ഇന്ത്യയിലേക്ക് തിരികെ എത്തിച്ചത്. എയര് ഇന്ത്യയുടെ രണ്ട് വിമാനങ്ങളിലായാണ് ആളുകളെ ഇവിടേക്ക് തിരികെ കൊണ്ടുവന്നത്. ഇവരെ പരിശോധനകള്ക്ക് ശേഷം പ്രത്യേക നിരീക്ഷണത്തില് പാര്പ്പിച്ചിരിക്കുകയാണ്.