ന്യൂഡല്ഹി: ഡല്ഹിയില് 43 പേരുടെ ദാരുണ മരണത്തിന് കാരണമായ അനന്ത്ഗഞ്ച് തീപിടിത്തത്തില് കെട്ടിട ഉടമ അറസ്റ്റില്.
ഉടമയായ റെഹാനെയാണ് ഡല്ഹി പൊലീസ് അറസ്റ്റ് ചെയ്തത്. ഇയാള്ക്കെതിരെ മനഃപൂര്വമല്ലാത്ത നരഹത്യക്ക് കേസെടുത്തിരുന്നു. കേസിന്റെ അന്വേഷണം ക്രൈംബ്രാഞ്ചിനാണ്
ഞായറാഴ്ച പുലര്ച്ചെ 5.22 ഓടെയാണ് റാണി ഝാന്സി റോഡിലുള്ള ഫാക്ടറിയില് തീപിടിത്തമുണ്ടായത്.
600 സ്ക്വയര് ഫീറ്റ് വിസ്തീര്ണമുള്ള സ്കൂള് ബാഗുകളും ബോട്ടിലുകളും നിര്മ്മിക്കുന്ന ഫാക്ടറി കത്തിനശിച്ചു.അപകടത്തില് 43 പേര്ക്ക് ജീവന് നഷ്ടപ്പെടുകയും നിരവധി പേര്ക്ക് പരിക്കേല്ക്കുകയും ചെയ്തു.