ന്യൂഡല്ഹി: വടക്കുകിഴക്കന് ഡല്ഹിയില് ഗോകുല്പുരി മെട്രോ സ്റ്റേഷനു സമീപമുള്ള ടയര് മാര്ക്കറ്റില് തീപിടിത്തം. തിങ്കളാഴ്ച രാത്രിയാണ് സംഭവം. പത്ത് അഗ്നിശമന യൂണിറ്റുകള് സംഭവസ്ഥലത്തെത്തി തീയണച്ചു. ഇതുവരെ ആളപായം റിപ്പോര്ട്ട് ചെയ്തിട്ടില്ല.
പൗരത്വനിയമ ഭേദഗതിക്കെതിരെ ഗോകുല്പുരിയിലും പരിസരപ്രദേശങ്ങളില് സംഘര്ഷം നടന്നിരുന്നു. ഇതിനിടെ ടയര് മാര്ക്കറ്റിനും അക്രമികള് തീയിട്ടതാകാം എന്നാണ് പോലീസ് സംശയിക്കുന്നത്. സംഭവത്തില് പോലീസ് അന്വേഷണം ആരംഭിച്ചിട്ടുണ്ട്. സംഘര്ഷങ്ങളുടെ പശ്ചാത്തലത്തില് വടക്കു കിഴക്കന് ഡല്ഹിയില് പോലീസ് നിരോധനാജ്ഞ പ്രഖ്യാപിച്ചിരിക്കുകയാണ്. ജാഫറാബാദ്, മൗജ്പുര്-ബാബര്പുര്, ഗോകുല്പുരി, ജോഹ്രി എന്ക്ലേവ് മെട്രോ സ്റ്റേഷനുകളും അടച്ചിട്ടു.