കൃത്രിമ പനം നൊങ്ക് പാനീയം പിടികൂടി നശിപ്പിച്ചു

ചെങ്കള പ്രാഥമികാരോഗ്യ കേന്ദ്രത്തിന്റെ നേതൃത്വത്തിൽ ചെർക്കള പാതയോരത്ത് നടത്തിയ പരിശോധനയിൽ കൃത്രിമ പനം നൊങ്ക് പാനീയം പിടികൂടി.

തികച്ചും വ്യത്തിഹീനമായ സാഹചര്യത്തിൽ ആണ് ഇവയുടെ വിൽപ്പന 'ഗുരുതരമായ ആരോഗ്യ പ്രശ്നങ്ങൾ സൃഷ്ടിക്കുന്ന സാക്കറിൻ എന്ന പദാർത്ഥം ഉപയോഗിച്ചാണ് ഈ ലായനി നിർമിക്കുന്നത്. തമിഴ് നാട്ടുകാരായ ചെറുപ്പക്കാരാണ് കാസർഗോഡ് ജില്ലയിലെ വിവിധ ഭാഗങ്ങളിൽ പനംനൊങ്കിനോടൊപ്പം യാതൊരു അംഗീകൃത മാനദണ്ഡവുമില്ലാതെ ഈ പാനീയം വിൽപ്പനയിൽ ഏർപ്പെട്ടിരിക്കുന്നത്.

പരിശോധനയ്ക്ക് ചെങ്കള പ്രാഥമികാരോഗ്യകേന്ദ്രം ഹെൽത്ത് ഇൻസ്പക്ടർ B അഷറഫ്., ജൂനിയർ ഹെൽത്ത് ഇൻസ്പക്ടർ PP ഭാസ്ക്കരൻ എന്നിവർ നേതൃത്വം നൽകി.

വൃത്തിഹീനമായ സാഹചര്യത്തിലും, കൃത്രിമ രാസവസ്തുക്കൾ ഉപയോഗിച്ചും നിർമ്മിക്കുന്ന ഇത്തരം പാനീയങ്ങൾ ജനങ്ങൾ കഴിക്കരുതെന്ന് ഹെൽത്ത് ഇൻസ്പെക്ടർ അഭ്യർത്ഥിച്ചു.